Համացանցին միացած աղավնիները կսկսեն հսկել Լոնդոնի օդի մաքրությունը

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ: Twitter, DigitasLBi եւ Plume Labs of Paris ընկերությունները համաձայնություն են ձեռք բերել Լոնդոնում օդի աղտոտման մակարդակի մոնիթորինգի համար աղավնիներ օգտագործելու համատեղ նախագծի շուրջը: Թռչուններին կհագցնեն Համացանցին միացված հատուկ ուսապարկեր, որոնք տվյալներ կհաղորդեն մթնոլորտի վիճակի վերաբերյալ, տեղեկացնում Է «Արմենպրես»-ը՝ հղում անելով VentureBeat-ին:

Ուսապարկերում գտնվող տվիչները կչափեն մթնոլորտում օզոնի եւ ազոտի երկօքսիդի մակարդակը: Օդի աղտոտման դիտազննման արդյունքները կհրապարակվեն Twitter-ում հատուկ դրա համար ստեղծված հաշվում: Բացի դրանից, աղավնական պարեկը կստանա իր սեփական վեբ-կայքը, որտեղ կարելի կլինի տեղեկություններ իմանալ յուրաքանչյուր թռչունի գտնվելու վայրի մասին:

Լուսանկարը` Reuters