2 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Իտալիան պիցցայի պատրաստման նեապոլիտանական ավանդական տարբերակը ներկայացրել Է ՅՈՒՆԵՍԿՕ-ի Համաշխարհային ժառանգության ցուցակում ընդգրկելու համար: Այդ մասին, ինչպես տեղեկացնում Է «Արմենպրես»-ը, հաղորդել Է ANSA գործակալությունը՝ հղում անելով ՅՈՒՆԵՍԿՕ-ի ազգային կոմիտեին, որը հավանություն Է տվել գյուղատնտեսության, անտառտնտեսության եւ պարենամթերքի հարցերի նախարարության առաջարկին, որին աջակցել Է մշակութային ժառանգության, մշակութային գործունեության եւ զբոսաշրջության նախարարությունը:
«Մենք պաշտոնական հայտ ենք փոխանցում ՅՈՒՆԵՍԿՕ-ին, որտեղ քննարկում Է սկսվելու 200 երկրների ներկայացուցիչների մասնակցությամբ»,-հայտնել Է հայտի պատասխանատու Պիեռլուիջի Պետրիլոն: Նա նշել Է, որ պիցցան ՅՈՒՆԵՍԿՕ-ի ցուցակում ներառելը դյուրին չի լինի, որովհետեւ մինչ այժմ Համաշխարհային ժառանգության օբյեկտների թվում խոհարարական ավանդույթ չի եղել:
Հանձնաժողովի կարծիքով՝ պիցցայի (պիցցայոլոյի) նեապոլիտանական վարպետների ավանդույթը դուրս Է գալիս կուլինարիայի շրջանակներից: «Պիցցան ոչ միայն նեապոլիտանացիների, այլեւ բոլոր իտալացիների ինքնության բաղադրիչն Է: Դա Իտալիայի մակնիշն Է ամբողջ աշխարհում»,-ասված Է ազգային կոմիտեի նամակում:
Սպասվում Է, որ որոշումը կընդունվի Փարիզում 2017 թվականին, հաղորդել Է ՏԱՍՍ-ը: