Քաղաքագետը կանխատեսում է լարվածության նոր աճ Սաուդյան Արաբիայի եւ Իրանի միջեւ

2 րոպեի ընթերցում

ԵՐԵՎԱՆ, 11 ՀՈՒՆՎԱՐԻ ԱՐՄԵՆՊՐԵՍ: Միջազգային զարգացումների ներկայիս փոփոխությունները հանգեցրել են մի վիճակի, երբ, փաստորեն, Երրորդ համաշխարհային պատերազմն է ընթանում, բայց մոդելը մի փոքր այլ է:

«Արմենպրես»-ի փոխանցմամբ, քաղաքագետ Հայկ Մարտիրոսյանը շեշտում է, որ ռազմաճակատների ուղղակի բախումներ այլևս չեն լինի, դրանց փոխարինելու են եկել երրորդ երկրներում առկա պատերազմները, որոնցում ներգրավված են մի քանի երկրներ: Այս ֆոնին մտահոգիչ է նաեւ Սաուդյան Արաբիայի եւ Իրանի միջեւ հարաբերությունների լարվածությունը: Քաղաքագետը դա անվանում է արկածախնդրություն` հավելելով, որ Իրանի հետ հարաբերությունները խզելով՝ Սաուդյան Արաբիան մտադիր էր ԱՄՆ-ին թույլ չտալ ավելի մերձենալ Իրանի հետ եւ դառնալ Նահանգների երկարաժամկետ դաշնակիցը: «Իրականում այս քաղաքականությունը վնասում է Սաուդյան Արաբիայի շահերին: Սակայն չեմ կարծում, թե ներկա դրությամբ կա նախանշան, որ այս ուղեգիծը կփոխվի: Կարծում եմ, այս լարվածությունը նոր երանգավորում ու նոր զարգացումներ կունենա»,- ասաց Մարտիրոսյանը` հավելելով, որ դժվար է կանխատեսում անել, թե տարածաշրջանում ինչ զարգացումներ կլինեն:

Այս առումով տարածաշրջանի համար վտանգավոր են նաեւ Իրան-Թուրքիա հարաբերություններում առկա հակասությունները, որոնք Սիրիայում տեղի ունեցող իրադարձությունների պատճառով ավելի են խորանում եւ լարվում:

Սաուդյան Արաբիայի եւ Իրանի միջեւ հարաբերությունները հասել են լարվածության գագաթնակետին, երբ Թեհրանում ամբոխը հարձակվել է Սաուդյան Արաբիայի դեսպանատան վրա: Երկու երկրների միջեւ դիվանագիտական հարաբերությունները խզվել են եւ երկրներն իրենց ուժն ու սպառազինությունը սկսել են առավել ուժգին կերպով ցուցադրել Եմենում:

Հայերեն English

Տեխնոլոգիական ոլորտում աշխատող և ոլորտով հետաքրքրված հայրենադարձներին ներկայացվել են պետական ծրագրերն ու միջոցառումները

ՀՀ տարածքում կան փակ, դժվարանցանելի ավտոճանապարհներ․ Լարսը բաց է բոլոր տեսակի տրանսպորտային միջոցների համար

Վրաստանում ցույցերի մասին օրենքում կատարված փոփոխությունները միտված է կանխելու ատելության տարածումը․ Կոբախիձե

Էստոնիան, Լատվիան, Լիտվան անջատվել են ռուսական էներգահամակարգից և կմիանան եվրոպական ցանցին

Brent-ը մեկ բարելի դիմաց թանկացել է մինչև 74,69 դոլար

Ստեփանավանում տեղի ունեցած հրդեհի հետևանքները վերացնելու նպատակով ստեղծվել է օպերատիվ շտաբ

Փետրվարի 10-ի միջոցառումների անոնս

Ստեփանավանում շենքերից մեկում բռնկված հրդեհի հետևանքով տարհանված քաղաքացիներն ապահովվել են կեցության վայրերով

Տղամարդը բարձրացել է Վատիկանի Սուրբ Պետրոսի տաճարի խորանի վրա և կոտրել 30 հազար եվրո արժողությամբ 6 մոմակալ

Դոնի Ռոստովի շրջաններից մեկում արտակարգ դրություն է հայտարարվել