1 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Բրազիլիայի կառավարությունը որոշել է 31-րդ ամառային Օլիմպիական խաղերի ընթացքում փակել Ռիո դե Ժանեյրո քաղաքի օդանավակայաններից մեկը: Նմանորոշում կայացվել է Միջազգային օլիմպիական կոմիտեի հրահանգով:
«Արմենպրես»-ի հաղորդմամբ` այս մասին տեղեկացնում է ՀԱՕԿ-ը: Օգոստոսի 8-18-ը Բրազիլիայի ժամանակով 12:40-17:10 օդանավերը Սանտոս Դյումանի անվան օդանավակայանում թռիչքներ և վայրէջքներ չեն իրականացնի: Բանն այն է, որ Ռիոյի` մեծությամբ երկրորդ օդանավակայանը, գտնում է քաղաքի կենտրոնում` Գուանաբարայի ափի մոտ, որտեղ անցկացվելու են առագաստանավային սպորտի մրցումները: Ինքնաթիռների օդային ալիքները կարող են շեղել առագաստանավերի ուղղությունը, ինչպես նաև խանգարել նկարահանմանը:
Բրազիլիայի ավիացիոն ընկերությունների ասոցիացիան քննադատել է քաղաքային իշխանությունունների նման որոշումը: Նրանց խոսքով` օդանավակայանը ստիպված կլինի չեղյալ հայտարարել մոտ 100 թռիչք:
XXXI ամառային Օլիմպիական խաղերը կկայանան օգոստոսի 5-21-ը Բրազիլիայի Ռիո դե ժանեյրո քաղաքում: Օլիմպիական խաղերը կանցկացվեն Ռիոյի 4 շրջանների` Կոպակաբանայի, Մարականայի, Դեոդորոյի և Բարայի33մարզականկառույցներում: