1 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը խոստովանել Է, որ երեխա ժամանակ երազում Էր մսագործ դառնալ: Այդ հայտարարությունը նա արել Է Straatnieuws դանիական թերթին տված հարցազրույցում, որն ստեղծվում Է անտունների կողմից եւ նախատեսված Է այն ընթերցողների համար, որոնք չունեն բնակության որոշակի վայր: Հարցազրույցից մեջբերումներ Է արել Reuters գործակալությունը:
Քահանայապետը պատասխանել Է այն հարցին, թե ինքը մանուկ հասակում ցանկանում Էր արդյոք Հռոմի պապ դառնալ: «Ես ձեզ գաղտնիք կբացեմ. երբ չորս տարեկան Էի, ինձ հարցրեցին, թե ինչ եմ ցանկանում դառնալ, երբ մեծանամ: Ես պատասխանեցի՝ մսագործ»,-ասել Է Ֆրանցիսկոսը:
Նա նաեւ պատմել Է, թե կարոտում Է փողոցային զբոսանքներին, բայց հրաժարվել Է թղթակիցների հետ զբոսնել ու պիցցա գնել: «Ես ուրախությամբ կգայի, բայց դուրս գալուն պես, ինձ կշրջապատի բազմությունը»,- «գանգատվել Է» հովվապետը: