Հասարակական

Օմբուդսմենն առաջիկայում հանդես կգա դատապարտյալների խնդիրների վերաբերյալ հայտարարությամբ

3 րոպեի ընթերցում

Օմբուդսմենն առաջիկայում հանդես կգա դատապարտյալների խնդիրների վերաբերյալ հայտարարությամբ

ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ: ՀՀ մարդու իրավունքների պաշտպան Կարեն Անդրեասյանը հանդիպում է ունեցել իրենց պայմաններից դժգոհող և հացադուլ հայտարարած դատապարտյալների հետ և առաջիկայում հանդես կգա հայտարարությամբ: Այս մասին Ազգային ժողովում ՀՀ 2016 թ. պետական բյուջեի նախագծի քննարկմանն ասաց ՀՀ մարդու իրավունքների պաշտպանի գրասենյակի աշխատակազմի ղեկավար Տիգրան Արեյանը՝ պատասխանելով ԱԺ ԲՀԿ խմբակցության ղեկավար Նաիրա Զոհրաբյանի հարցին:

Նաիրա Զոհրաբյանն ընդգծեց, որ ԲՀԿ խմբակցությունը ցմահ դատապարտյալների հարազատներից կրկին նամակ է ստացել, որում ներկայացվել են դատապարտյալների խնդիրները: «Ես կարծում եմ, որ դուք ծանոթ եք այս խնդրին, և ես կցանկանայի լսել ձեր դիրքորոշումն այդ խնդրի վերաբերյալ: Կան գործեր, որոնք դատական կարգով պետք է պարտադիր վերանայվեն: Մենք նրանց անընդհատ հույս ենք տալիս, ասում ենք, որ այդ խնդիրները կքննարկվեն, սակայն սայլը տեղից չի շարժվում: Եվ երկրորդ կարևոր խնդիրը, որի վերաբերյալ մենք պարբերաբար ստանում ենք դատապարտյալների դժգոհությունները, վերաբերում է վաղաժամկետ պայմանական ազատման այդ չարաբաստիկ հանձնաժողովի գործունեության հետ: Այդ հանձնաժողովի գործունեությունն ուղղակի աղետ է դարձել: Չե՞ք կարծում, որ այդ հանձնաժողովը պետք է լուծարվի՝ ավելի արդար սկզբունքներով գործելու համար: Կամ ընդհանրապես թող չգնան կալանավայրեր` մարդկանց հույս տաու և հետո մերժելու բոլոր դիմումները, կամ, այսպես ասած, «գիր-ղուշի» տարբերակով, որը ցանկանան` մերժեն: Երբ նայում ես մոտիվացիան, թե ինչու է այս կամ այն դիմումը մերժվել, ուղղակի տրամաբանական որևէ բան չկա»,- «Արմենպրես»-ի հաղորդմամբ՝ նշեց Զոհրաբյանը:

ՀՀ ՄԻՊ գրասենյակի աշխատակազմի ղեկավարը պատասխանեց, որ նոյեմբերի 4-ին Մարդու իրավունքների պաշտպանը հանդիպում է ունեցել դատապարտյալների հետ, ծանոթացել նրանց խնդիրներին: «Առաջիկայում Օմբուդսմենը այդ մասին հայտարարությամբ հանդես կգա: Առայժմ ես այսքանը կարող եմ ասել»,- ընդգծեց Արեյանը:

Նաիրա Զոհրաբյանն ասաց, թե շատ լավ է այն, որ ՄԻՊ-ն առաջիկայում հայտարարությամբ հանդես կգա, նման հայտարարություններ ամեն օր լինում են, սակայն որևէ փոփոխություն չի լինում: «Խնդիրը կայանում է նրանում, որ այս կարևոր հարցը լուծում չի ստանում: Հայտարարություններ մենք էլ ենք անում, դուք էլ եք անում: Հայտարարություններ էլի կանենք, սակայն խնդիրը դրանով լուծվո՞ւմ է: Այս է խնդիրը: Ես կարծում եմ, որ մենք պետք է համատեղ ուժերով հրավիրենք այդ վաղաժամկետ պայմանական ազատման հանձնաժողովի անդամներին, փորձենք հասկանալ՝ միգուցե նրանց գործունեության մեջ այնպիսի մի սկզբունք է դրված, որ մենք չենք հասկանում, մեր ինտեկելտը չի բավարարում հասկանալու համար, թե ինչպես են աշխատում, որ նրանց աշխատանքից դժգոհ են համատարած բոլորը»,- եզրափակեց Զոհրաբյանը:

ԵՄ-ն մեկ տարով երկարաձգել է Իրանի նկատմամբ պատժամիջոցները

Իրան

ԵՄ-ն մեկ տարով երկարաձգել է Իրանի նկատմամբ պատժամիջոցները

Թեհրանում վերաբացվել է Ադրբեջանի դեսպանատունը

Տարածաշրջանային

Թեհրանում վերաբացվել է Ադրբեջանի դեսպանատունը

Իրանը հավատում է, որ այլ երկրների հետ ՀՀ փոխհարաբերությունները բացասական ազդեցություն չեն թողնի Իրանի հետ հարաբերությունների վրա. ԻԻՀ դեսպան

Արտաքին քաղաքականություն

Իրանը հավատում է, որ այլ երկրների հետ ՀՀ փոխհարաբերությունները բացասական ազդեցություն չեն թողնի Իրանի հետ հարաբերությունների վրա. ԻԻՀ դեսպան

Երբ երկխոսում եք, կրակելու ժամանակ չունեք. Իրանը լավատես է ՀՀ-Ադրբեջան խաղաղության գործընթացի հարցում. ԻԻՀ դեսպան

Արտաքին քաղաքականություն

Երբ երկխոսում եք, կրակելու ժամանակ չունեք. Իրանը լավատես է ՀՀ-Ադրբեջան խաղաղության գործընթացի հարցում. ԻԻՀ դեսպան

Հայաստանի հետ սահմանի խզումը Իրանի համար կարմիր գիծ է. ԻԻՀ դեսպան Մեհդի Սոբհանի

Արտաքին քաղաքականություն

Հայաստանի հետ սահմանի խզումը Իրանի համար կարմիր գիծ է. ԻԻՀ դեսպան Մեհդի Սոբհանի

Իրանն ամեն ինչ կանի, որ տարածաշրջանում պատերազմ չլինի. դեսպան Սոբհանի

Արտաքին քաղաքականություն

Իրանն ամեն ինչ կանի, որ տարածաշրջանում պատերազմ չլինի. դեսպան Սոբհանի

Իրանահայ խորհրդարանականները շնորհավորել են Մասուդ Փեզեշքիանին ընտրություններում հաղթանակի առթիվ

Քաղաքականություն

Իրանահայ խորհրդարանականները շնորհավորել են Մասուդ Փեզեշքիանին ընտրություններում հաղթանակի առթիվ

Հայ-իրանական սահմանին Իրանի քաղաքացուն ծեծելու դեպքի առթիվ նախաձեռնվել է քրեական վարույթ. ՀՀ ՔԿ

Իրավունք

Հայ-իրանական սահմանին Իրանի քաղաքացուն ծեծելու դեպքի առթիվ նախաձեռնվել է քրեական վարույթ. ՀՀ ՔԿ

ՀՀ ՆԳՆ-ից մեկնաբանել են հայ-իրանական սահմանային անցակետում Իրանի քաղաքացուն ծեծի ենթարկելու մասին լուրերը

Իրավունք

ՀՀ ՆԳՆ-ից մեկնաբանել են հայ-իրանական սահմանային անցակետում Իրանի քաղաքացուն ծեծի ենթարկելու մասին լուրերը

Իրանի նախագահը հայտարարել է, որ երկիրը չի ձգտում միջուկային զենք ստեղծել

Քաղաքականություն

Իրանի նախագահը հայտարարել է, որ երկիրը չի ձգտում միջուկային զենք ստեղծել

Թեհրանն առաջնահերթություն է տալու հարևանների հետ հարաբերությունների ամրապնդմանը. Իրանի նորընտիր նախագահ

Իրան

Թեհրանն առաջնահերթություն է տալու հարևանների հետ հարաբերությունների ամրապնդմանը. Իրանի նորընտիր նախագահ

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում