Բրիտանացի դիզայները փոքրիկ հյուրանոց Է բացել մատուռի շենքում

ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Բրիտանացի դիզայներ Ստեֆան Քամենզինդը փոքրիկ հյուրանոց Է բացել կիսավեր մատուռի շենքում: Ինչպես հաղորդում Է «Արմենպրես»-ը՝ հղում անելով The Daily Mail-ին, Դարեմի կոմսությունում լքված շենքը լիովին վերականգնված Է:

Քամենզինդը մատուռը հայտնաբերել Է պատահաբար, երբ ճանապարհորդում Էր այդ տարածաշրջանում, եւ անմիջապես Էլ որոշել Է ձեռք բերել այն: Կառույցը տուժել Էր տեղատարափ անձրեւներից եւ սաստիկ քամիներից, քանի որ գտնվում Է բլրի վրա: Դիզայներն ստիպված Է եղել վերացնել տանիքի, միջնորմների եւ հատակի բազմաթիվ վնասվածքները:

Քամենզինդի խոսքով՝ ինքը ցանկացել Է շենքում պահպանել հնամենի մթնոլորտը եւ միաժամանակ նորացնել այն. այժմ 19-րդ դարի մատուռը, որը կառուցվել Է գոթական ոճով, սարքավորված Է հարմարություններով եւ զարդարված արդի նկարիչների գործերով: Շենքն ունի մեծ խոհանոց, հյուրասրահ, չորս ննջասենյակ, ընդարձակ լոգարան: Ընդամենը փոքրիկ հյուրանոցում կարող Է տեղավորվել յոթ մարդ:

Մենատանը մեկ գիշեր անցկացնելու գներն սկսվում են 150 ֆունտից (232 դոլար) ցածր սեզոնում՝ հունվարից մինչեւ մարտի կեսերը եւ նոյեմբերից մինչեւ դեկտեմբեր: Ապրիլից մինչեւ մայիս եւ սեպտեմբերից մինչեւ հոկտեմբեր գինը բարձրանում Է մինչեւ 180 ֆունտ (278 դոլար): Բարձր սեզոնում (ամռան երեք ամիսները, Զատկին, Ծննդյան տոներին եւ դպրոցական արձակուրդին) փոքրիկ հյուրանոցում անցկացված մեկ գիշերը կնստի 230 ֆունտ (356 դոլար):

Լուսանկարը`Evolution Design