1 րոպեի ընթերցում
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Google կորպորացիան վերնոլորտ Է ուղարկում հելիումով լցված շուրջ երեք հարյուր օդապարիկներ, որոնց միջոցով մեծ արագության ինտերնետ-միացում կապահովի Երկրի հեռավոր եւ դժվարամատչելի շրջանների հետ, տեղեկացնում Է «Արմենպրես»-ը՝ հղում անելով BBC-ին:
Ընկերությունը հուսով Է, որ արդեն հաջորդ տարի կկարողանա ծավալել ստրատոստատների գլոբալ ցանց, ինչը թույլ կտա տվյալների անընդհատ հաղորդում եւ դրանց մշակում ապահովել ամբողջ աշխարհում:
Առաջին հերթին Google-ը ցանկանում Է Համացանցի բաշխում ապահովել Ինդոնեզիայի հեռավոր շրջաններում. ավելի քան 250 միլիոն բնակչությամբ այս երկրում համաշխարհային սարդոստայն մուտք ունի սոսկ 42 միլիոն օգտատեր:
Այնուհետեւ, ինչպես սպասվում Է, հաղորդող ապարատների փորձարկումներ կանցկացվեն Ավստրալիայի, Նոր Զելանդիայի, ԱՄՆ եւ Բրազիլիայի տարածքում: