Ամերիկուհին զգեստ Է ստեղծել Մոխրոտիկից արքայադստեր փոխակերպվելու համար

ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Միացյալ Նահանգների Յուտայի նահանգի բնակչուհի Բելինդա Քրիստին հագուստ Է ստեղծել, որը թույլ Է տալիս «Մոխրոտիկը» հեքիաթի գլխավոր հերոսուհուց փոխակերպվել արքայադստեր, տեղեկացնում Է «Արմենպրես»-ը՝ հղում անելով The Daily Mail-ին: Հագուստի ոճն ընդամենը 15 վայրկյանում փոխելուն օգնում են Քրիստիի կողմից հնարված տրանսֆորմեր-զգեստի առանձնահատկությունները, պարզաբանում Է հրատարակությունը:

Համապատասխան տեսաժապավենում, որն սկզբում հրապարակվել Էր Facebook-ի հումորիստական խմբում, ցուցադրվում Է, թե ինչպես Է զգեստը հագած մոդելը 15 վայրկյանում աղախնից փոխակերպվում պարահանդես այցելելու պատրաստ տիտղոսավոր անձի: Հոլովակը դիտվել Է ավելի քան 300 հազար անգամ: