Կարեն Գրիգորյանը՝ Մադրիդում ավարտված օփեն մրցաշարի հաղթող

ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի գործող չեմպիոն Կարեն Գրիգորյանը դարձել է իսպանական մրցաշարի հաղթող:«Արմենպրես»-ի հաղորդմամբ, այս մասին տեղեկացնում է Հայաստանի շախմատի ֆեդերացիան: Իսպանիայի մայրաքաղաք Մադրիդում ավարտված օփեն մրցաշարում գերազանց խաղ է ցուցադրել գրոսմայստեր Կարեն Գրիգորյանը, որը 9 հնարավորից վաստակել է 8 միավոր և ճանաչվել մրցաշարի միանձնյա հաղթող: Հայաստանն այս ստուգատեսում ներկայացնում էր նաև երևանցի մեկ այլ գրոսմայստեր Ռոբերտ Հովհաննիսյանը: Վերջինս վաստակել է 7 միավոր և բաժանելով 2-4 հորիզոնականները` լրացուցիչ ցուցանիշներով զբաղեցրել 4-րդ տեղը: