1 րոպեի ընթերցում
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Tesla-ն՝ Էլեկտրաշարժիչավոր ավտոմեքենաներ արտադրող հայտնի ընկերությունը, որի կենտրոնակայանը գտնվում Է ԱՄՆ-ի Կալիֆոռնիայի նահանգի Պալո-Ալտո քաղաքում, ներկայացրել Է ծրագրային ապահովում, որը գործնականում լիովին ինքնավար Է դարձնում ավտոմեքենան, տեղեկացնում Է «Արմենպրես»-ը:
«Այս վաղ փուլում մենք չափազանց զգույշ ենք»,-նշել Է Tesla-ի ղեկավար Իլոն Մասքը: «Ժամանակի ընթացքում ձեռքերը ղեկին դնելն ընդհանրապես հարկավոր չի լինի»,-խոստացել Է նա:
Նորույթը դեռեւս նախատեսված Է միայն Tesla-ի արտադրության Model S մակնիշի ավտոմեքենաների երջանիկ տերերի համար: Նրանք, ներբեռնելով ծրագրային ապահովումը, կկարողանան, առանց ձեռքերը ղեկին եւ ոտքերը ոտնակներին դնելու, երթեւեկել ցանկացած ռեժիմով:
Մասքը պատմել Է, որ նորույթը փորձարկել Է Կալիֆոռնիայում գտնվող իր տան մերձակայքում: Նա խոստանում Է թողարկել ավտոմեքենա, որն «առանց ձեր մասնակցության կկարողանա ձեզ տեղ հասցնել մի կետից մյուսը, օրինակ՝ տնից մինչեւ աշխատավայր»: Այդ հեքիաթն իրականություն կդառնա երեք տարի հետո, հայտարարել Է նա, հաղորդել Է ՏԱՍՍ-ը: