396.76
Ռուսաստանի և Թուրքիայի ընդհանուր ուղղվածությունն հակաարևմտականությունն է. քաղաքագետ
2 րոպեի ընթերցում
ԵՐԵՎԱՆ, 14 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիան եղել և մնում է Ռուսաստանի բարեկամ երկիրը: Երկու երկրներն էլ Հարավային Կովկասում ընդհանուր տնտեսական շատ մեծ շահեր ունեն: «Արմենպրես»-ի հետ զրույցում նման դիկտարկում արեց քաղաքագետ Արա Պապյանն`անդրադառնալով ՌԴ Նախագահ Վլադիմիր Պուտինի այն հայտարարությանը, որ Թուրքիան մնում է Ռուսաստանի լավ ընկերը և հանդիսանում է Ռուսաստանի նախընտրելի գործընկերը:
«Ռուսաստանի ու Թուրքիայի միջև հակասություններ եղել են Սիրիայի, Ղրիմի ու էլի մի քանի հարցերի հետ կապված, բայց, ընդհանուր առմամբ, նրանք հզոր դաշնակիցներ են: Վլադիմիր Պուտինն իր հայտարարությունում մեղմ է ասել` «բարեկմաներ»»,- նկատեց Արա Պապյանը:
Այս երկու պետությունների հիմանկան ընդհանուր ուղղվածությունն, ըստ քաղաքագետի, հակաարևմտականությունն է: Ռուսաստանն ու Թուրքիան երբեմն իրար դաշնակից, երբեմն իրար դեմ են լինում:
«Թուրքիան մեր նախընտրելի գործընկերներից և լավ ընկերներից մեկն է: Մենք լավ հարաբերություններ ունենք Թուրքիայի հետ երկար տարիների ընթացքում: Այն մեր խոշոր առևտրային և տնտեսական գործընկերներից է: Բավական է ուշադրություն դարձնել մեր շինարարական շուկային, որը վերջին տարիներին չափվում է միլիարդներով»,- ասել է ՌԴ Նախագահը:
Բաժանորդագրվեք մեր ալիքին Telegram-ում