Վաչե Մանուկյանը Երևանում կկառուցի բազմաֆունկցիոնալ հյուրանոցային համալիր

ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ:Երևանի Վազգեն Սարգսյան 3 հասցեում սփյուռքահայ գործարար, բարերար Վաչե Մանուկյանը կկառուցի բազմաֆունկցիոնալ հյուրանոցային համալիր: Ինչպես հաղորդում է«Արմենպրես»-ը՝ այսօրվա նիստում կառավարությունը հավանություն տվեց ներդրումային ծրագրին:Կարևորելով ընդունված որոշումը՝ վարչապետ Հովիկ Աբրահամյանն ընդգծեց, որ տարածքը տարիներ շարունակ եղել է մեր հայրենակից Վաչե Մանուկյանի սեփականությունը, և այնտեղ որևէ կառուցման աշխատանք չի իրականացվել: Հովիկ Աբրահամյանը տեղեկացրեց, որ օրեր առաջ Վաչե Մանուկյանի հետ հանդիպման ժամանակ պայմանավորվածություն է ձեռք բերվել մոտ 60 մլն դոլարի ներդրում կատարելու վերաբերյալ:

Արդյունքում՝ կկառուցվի բազմաֆունկցիոնալ հյուրանոցային համալիր, որի շինարարական աշխատանքները կսկսվեն հաջորդ տարի: «Այս ծրագիրըշատ կարևոր է մեզ համար՝ նաև տնտեսական ակտիվությունից ելնելով»,- ասաց կառավարության ղեկավարը: