1 րոպեի ընթերցում
ԵՐԵՎԱՆ, 18 ՍԵՊՏԵՄԲԵՐԻ, ԱՐՄԵՆՊՐԵՍ: Դոհայում կայանալիք բռնցքամարտի աշխարհի առաջնությանը լավագույնս նախապատրաստվելու համար հայ բռնցքամարտիկները ուսումնամարզական հավաքն են անցկացնում Երևանում:
«Արմենպրես»-ին այս մասին տեղեկացրին Հայաստանի բռնցքամարտի ֆեդերացիայից: Կաշվե ձեռնոցի հայ պատվիրակներից աշխարհի առջանությանը մասնակցելու իրավունք են ստացել 52 կգ քաշային Կորյուն Սողոմոնյանը և 56 կգ քաշային Արամ Ավագյանը: Նրանց մարզումային պրոցեսն ավելի արդյունավետ դարձնելու համար հավաքին հրավիրել են նաև այլ բռնցքամարտիկներ:
Դոհայում կայանալիք աշխարհի առաջնությունում մրցանակային տեղ գրաված բռնցքամարտիկները կնվաճեն նաև Ռիո դե Ժաներոյում կայանալիք օլիմպիական խաղերի ուղեգրեր: