388.33
Իսլամիստները Թուրքիայում ոստիկանի են սպանել
1 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Սիրիայի տարածքում ծայրահեղական «Իրաքի և Լևանտի իսլամական պետություն» իսլամիստական կազմակերպության վերահսկողության տակ գտնվող տարածքից կրակոցներ են արձակվել թուրքական սահմանամերձ Քիլիս քաղաքի ոստիկանական բաժանմունքի վրա: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:
Կրակոցների հետևանքով զոհվել է ծառայության մեջ գտնվող մեկ թուրք ոստիկան: Թուրք ոստիկաններից մեկն անհետացել է: Սոցիալական մեդիաներում ԻԼԻՊ-ին հարող շրջանակները հայտնել են, որ ոստիկանն առևանգվել է իսլամիստների կողմից, մինչդեռ թուրքական կողմը հերքել է առևանգելու վարկածը և միայն նշում է, որ ոստիկանը կորած է:
