«Շանթ» ռեստորանի մոտակայքում բախվել են երեք մեքենաներ

ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: ՀՀ տարածքային կառավարման եւ արտակարգ իրավիճակների նախարարությունում օգոստոսի 27-ին` ժամը 00.32-ին, ահազանգ է ստացվել, որ Երևանի Շիրազ-Ջանիբեկյան փողոցների խաչմերուկում՝ «Շանթ» ռեստորանի մոտակայքում, տեղի է ունեցել ՃՏՊ. անհրաժեշտ է փրկարարների օգնությունը: Ինչպես «Արմենպրես»-ին տեղեկացրին ՀՀ տարածքային կառավարման եւ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:

Պարզվել է, որ բախվել են «Միթսուբիշի Լանսեր» մակնիշի (վարորդի տվյալները բացակայում են) 09 VV 100, «ՎԱԶ-2107» մակնիշի (վարորդ` Ա. Ա.) 33 SD 425 և «Ռենջ Ռովեր» մակնիշի (վարորդ` Ա. Ա.) 19 TL 274 պետհամարանիշներով ավտոմեքենաները. զոհեր և տուժածներ չկան: Հրշեջ-փրկարարներն անջատել են «ՎԱԶ 2107» մակնիշի ավտոմեքենայի մարտկոցը: