Հալեպը ցնցվել է երկրաշարժի նմանվող պայթյունից
1 րոպեի ընթերցում
![Հալեպը ցնցվել է երկրաշարժի նմանվող պայթյունից](http://armenpress.am/resized/480/static/news/b/2015/08/816298.jpg)
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Հալեպ քաղաքն օգոստոսի 24-ի հետմիջօրեին ցնցվել է երկրաշարժի նման ստորգետնյա պայթյունից: Այս մասին «Արմենպրես»-ին տեղեկացրեց Հալեպի մեր աղբյուրը` նշելով, որ պայթյունը որոտացել է Ջամիա Զահրա թաղամասում: Թաղամասում գրեթե բնակիչներ չկան: Այն քաղաքի ծայրամասային շրջան է, և մինչև Սիրիայում քաղաքացիական պատերազմը ծաղկող շրջան էր համարվում: Պայթյունից հետո բախումներ են սկսվել բանակի և զինված խմբավորումների միջև: Ռազմական գործողություններին մասնակցել է նաև սիրիական օդուժը:
Բացի դրանից, աղբյուրը նաև տեղեկացրեց, որ Հալեպում որոշ թաղամասեր են հրթիռակոծվել, այդ թվում` Մոկամպո թաղամասը, որտեղ զոհեր ու վիրավորներ են գրանցվել: Հրթիռակոծված թաղամասերը հեռու են հայկական թաղամասերից, որտեղ միայն ռմբակոծման ձայներ են լսվել:
Աղբյուրը նաև նշեց, որ հայկական թաղամասերում միջադեպեր տեղի չեն ունեցել, ջուրն ու էլեկտրականությունը, թեպետ ընդհատումներով, սակայն լինում են:
Հալեպ քաղաքը 2012թ. ամռանից ի վեր հայտնվել է կառավարական ուժերի և զինված տասնյակ խմբավորումների բախումների թիրախում: Բախումներնայնտեղմինչևօրսշարունակվումեն:Քաղաքիարևմտյանթաղամասերըգտնվում ենկառավարականուժերի,իսկարևելյանթաղամասերը`զինվածխմբավորումներիհսկողության տակ: