Անգլիան եւ Ուելսը հեղեղումների են պատրաստվում տեղատարափ անձրեւների պատճառով

ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Առաջիկա օրերին Անգլիայի եւ Ուելսի բոլոր շրջաններում հեղեղումներ եւ ավտոճանապարհների ջրածածկումներ են սպասվում օդերեւութաբանների կողմից կանխատեսվող տեղատարափ անձրեւների եւ ամպրոպների պատճառով, տեղեկացնում Է «Արմենպրես»-ը:

«Ինչպես արդեն պատահել Է այս ամռանը, այդպիսի եղանակը կարող Է հարուցել հանկարծական տեղային հեղեղումներ եւ վտանգավոր պայմաններ ստեղծել ավտոտրանսպորտի երթեւեկության համար: Եղանակային պայմանների վատթարացման մասին նախազգուշացումներն օգոստոսի 13-ին եւ 14-ին գործում են Ուելսի եւ Անգլիայի բոլոր շրջանների համար, ներառյալ հյուսիս - արեւելքը»,- լրագրողներին ասել Է Մեծ Բրիտանիայի օդերեւութաբանական ծառայության ներկայացուցիչը:

Նրա խոսքով՝ սպասվում Է, որ Անգլիայում եւ Ուելսում երկու օրում կլինեն 30-ից մինչեւ 50 միլիմետր տեղումներ, ինչն ամսական նորման Է օգոստոսի համար, հաղորդել Է ՌԻԱ Նովոստին: