Փաստաբանը կարծում է, որ Պերմյակովի գործով կայացված լրացուցիչ, մասնակից որոշումն առնչվում է ռուսական բազայի կարգապահական խնդիրներին

ԳՅՈՒՄՐԻ, 12 ՕԳՈՍՏՈՍԻ, ԱՐՄԵՆՊՐԵՍ : Գյումրիի 102-րդ ռուսական ռազմաբազայի տարածքում Հյուսիսկովկասյան օկրուգի 5-րդ կայազորային զինվորական դատարանի արտագնա նիստում` Ալեքսանդր Շելդյաևի նախագահությամբ կայացած դատական նիստի ժամանակ դատարանը կայացրեց որոշում ոչ միայն Վալերի Պերմյակովի մասով, այլ ինչպես նշեց նախագահողը, լրացուցիչ մասնավոր որոշում, որը չհրապարակվեց: ՀՀ փաստաբանների պալատի անդամ, փաստաբան, Երեմ Սարգսյանը «Արմենպրես»-ին տեղեկացրեց, որ նմանատիպ մասնավոր որոշման հնարավորություն կա նաև ՀՀ օրենսդրությամբ նախատեսված:

«Սա այն դեպքն է, երբ դատարանը հանցագործությանը նպաստող պայմանների և պատճառների, կամ նախաքննական մարմինների թույլ տված էական խախտումների հետ կապված կայացնում է մասնավոր որոշում: Այս դեպքում, խոսքը գնալու է այն պայմանների ու պատճառների մասին, որոնք նպաստել են, որ Պերմյակովը դասալքություն իրականացնի, զենքով զորամասից դուրս գա և այդքան երկար ժամանակ դրսում գտնվի: Այսինքն՝ այն պայմանները, որ նորմալ հսկողություն չի իրականացվել: Դատի ժամանակ նույնիսկ խոսք գնաց, որ մինչև դասալքությունը Պերմյակովը 2:40 պետք է զեկուցեր, որ ինքը նորմալ հերթապահություն է իրականացնում, բայց, իր դասալքության մասին պարզ է դարձել 3:00-ին, այսինքն, եթե ինքը 2:40-ին ինքը չի զեկուցել, արդեն իսկ դա անհանգստության առիթ էր և պետք է դասալքության փաստը պարզվեր: Սա եթե պատիժ չասենք, ապա կարող է զորամասին կարգապահական տույժի հիմք հանդիսանա՝ իրենց կողմից ծառայողական պարտականությունների թերի կատարման առումով: Ես այստեղ նույնիսկ տեսնում եմ փոքր քայլ, որ, գուցե, քրեական պատասխանատվության նորմերը փորձում են փոխարինել կարգապահական պատասխանատվությամբ»,-նշեց Երեմ Սարգսյանը՝ փաստելով, որ հետագայում, եթե պարզ դառնա, որ կա պաշտոնատար անձանց կողմից հանցագործության մաս, իրենք, միանշանակ, կդիմեն նաև նման միջնորդություններով՝ ոչ թե կարգապահական, այլ քրեական պատասխանատվության հարց բարձրացնելով: «Որոշումն այս պահին չհրապարակվեց և չենք կարող ասել թե կոնկրետ ինչ քայլեր է դատարանը որոշել և որ թերություններն է դատարանն արձանագրել»,-նշեց Երեմ Սարգսյանը:

Անդրադառնալով դատարանի կողմից Ռուսաստանի Դաշնության քրեական օրենսգրքի երեք հոդվածների` 338 հոդվածի 2 կետի« 226 հոդվածի 3-րդ կետի «գ» ենթակետի եւ 222 հոդվածի առաջին կետի պահաջներով «Դասալքություն»« «Զենքի հափշտակում» և «Զենքի ապօրինի կրում» մեղադրանքներով նախատեսված ազատազրկման ժամկետին՝ Երեմ Սարգսյանը տեղեկացրեց, որ ՀՀ օրենսգրքով պատիժը մի փոքր նվազ է նախատեսվում: «ՌԴ օրենսդրությամբ որքան նախատեսում էր, նորմալ պատիժ էր, ու, կարծում եմ, արդարացված էր պատիժը, բայց մեր համար 1 կամ 2 տարի ավել-պակաս այդքան էլ էական չէր, քանի որ առջևում մենք ունենք սպանության գործով դատաքննություն, որը հաստատվելու դեպքում, իսկ ինքն արդեն այդ մեղքը ընդունել է, նախատեսված է ցմահ ազատազրկում»,- նշեց Երեմ Սարգսյանը՝ ավելացնելով, որ այս դատական նիստը բավական տեղեկություններ ու որոշակի հանգամանքներ պարզեց, այդ թվում նաև սահմանն ապօրինի հատելու մասով: Պերմյակովն իր ցուցմունքներում նշել էր, որ սահմանը հատելու դիտավորություն ունեցել է, թեև այն չի կարողացել իրականացնել՝ իր կամքից անկախ հանգամանքներից: «Այստեղ նաև խոսք է գնալու այլ հանցագործությունների մասին՝ հեռախոսների, գումարի, հագուստի հափշտակության: Խոսք գնաց, որ ինքը տանը փնտրել է գումար, թանկարժեք իրեր: Սրա մասին ևս մենք տեղեկություններ չենք ունեցել»,- հավելեց Երեմ Սարգսյանը:

Գյումրիում Ավետիսյանների ընտանիքի սպանության մեջ մեղադրվող զինծառայող Վալերի Պերմյակովը դասալքության, զենքի հափշտակման եւ ապօրինի կրման հոդվածներով դատապարտվեց 10 տարվա ազատազրկման: Դատաքննությունն անցկացվեց օգոստոսի 12-ին Գյումրիի 102-րդ ռուսական ռազմաբազայի տարածքում Հյուսիսկովկասյան օկրուգի 5-րդ կայազորային զինվորական դատարանի արտագնա նիստում` Ալեքսանդր Շելդյաևի նախագահությամբ: Դատարանը խորհրդակցական սենյակից վերադարձավ երկժամյա քննարկումից հետո եւ հրապարակեց վճիռը: Դատաքննությունն անցկացվեց մեկ օրում:Պերմյակովը մեղադրվում էր Ռուսաստանի Դաշնության քրեական օրենսգրքի երեք հոդվածների` 338 հոդվածի 2 կետի« 226 հոդվածի 3-րդ կետի «գ» ենթակետի եւ 222 հոդվածի առաջին կետի պահաջներով:Պատիժը կրելու ժամկետը հաշվվում է 2015թ-ի հունվարի 13-ից՝ Պերմյակովի կալանավորման օրվանից:

Ավետիսյանների ընտանիքի 6 անդամների սպանությունը տեղի է ունեցել 2015 թվականիհունվարի 12-ին՝ վաղ առավոտյան« ժամը 06:00-ի սահմաններում« նրանց մահը վրա է հասցրելհրազենային վնասվածքներից։ Ավետիսյանների ընտանիքից ողջ էր մնացել 6 ամսական փոքրիկը՝Սերյոժա Արմենի Ավետիսյանը« ով կտրող-ծակող գործիքից ստացած վնասվածքներով տեղափոխվելէր բժշկական կենտրոն« այնուհետև` յոթ օր հետո մահացել: Նշանակվել էին դատաբժշկականդատատոքսիկոքիմիական« դատաձգաբանական փորձաքննություններ: Կասկածյալին ռուսսահմանապահները հայտնաբերել են հայ-թուրքական սահմանը հատելու փորձ կատարելիս եւհանձնել 102-րդ ռուսական բազայի հրամանատարությանը:

Քրեական գործը հարուցվել է ՀՀ քրեական օրենսգրքի 104-րդ հոդվածի 2-րդ մասի 1-ին կետով(երկու և ավելի անձանց սպանությունը): Վալերի Պերմյակովին քրեական գործով որպես մեղադրյալներգրավելու մասին« և ՀՀ քննչական կոմիտեի քննիչները Վալերի Պերմյակովին մեղադրանք ենառաջադրել Հայաստանի Հանրապետության քրեական օրենսգրքի 104-րդ հոդվածի 2-րդ մասի 1-ին կետով՝ երկու եւ ավելի անձանց դիտավորյալ սպանության համար: Վալերի Պերմյակովնընդունել է առաջադրված մեղադրանքը: Սպանության մասով գործը փոխանցված է հայկականկողմին:

Արմենուհի Մխոյան