1 րոպեի ընթերցում
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: Մեծ Բրիտանիայի բնակչուհի Հիլդա Ջեքսոնն իր ծննդյան 101-ամյակը նշել է ՖՎ432 մակնիշի տանկ վարելով: Այս մասին տեղեկացնում է The Telegraph-ը:
«Արմենպրես»-ի փոխանցմամբ` նախկին բուժքույրն իրականացրել է իր երազանքը Հարավային Ուելսի տանկային դպրոցում: Նրա 72-ամյա դուստր Մարգարետ Օստինը պատմել է, որ մայրը ցանկանում էր դա անելի մի քանի տարի շարունակ և առողջական խնդիրները նրան հետ չեն պահել:
Ջեքսոնը մշտապես տարված է եղել վարելով: 1950թ.-ին իր ավստրալացի բարեկամների հետ Եվրոպայում հինգամսյա ճանապարհորդության է մեկնել մեքենայով:
Տանկային դպրոցի սեփականատեր Ալիստեր Սքոտը հայտարարել է, որ Ջեքսոնը դարձել է ամենատարեց հաճախորդը: Նա իր հիացմունքն է արտահայտել Ջեքսոնի վերաբերյալ: