Ցյուրիխի օդանավակայանում ձերբակալվել են երեք չինացիներ՝ 262 կգ փղոսկրով. Associated Press

ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Շվեյցարիայի իշխանությունները Ցյուրիխի օդանավակայանում Չինաստանի երեք քաղաքացիներից առգրավել են 413 հազար դոլար ընդհանուր գումարի 262 կիլոգրամ փղոսկր: Այս մասին, ինչպես տեղեկացնում Է «Արմենպրես»-ը, հաղորդել Է Associated Press լրատվական գործակալությունը:

Վերջինիս տվյալներով՝ ապօրինի բեռն առգրավվել Է հուլիսի 6-ին պլանային ստուգման ժամանակ: Չինացիների մոտ, որոնք մեկնել Էին Տանզանիայից, գտել են նաեւ մեկ կիլոգրամ առյուծի ժանիքներ եւ ոսկորներ:

Ինչպես նշում Է ՏԱՍՍ-ը, վերջին հինգ տարում Տանզանիայում փղերի գլխաքանակն աղետալիորեն կրճատվում Է. 2009 թվականի 110 հազարից մինչեւ 43 հազար՝ 2014 թվականին: Գլխավոր պատճառը որսագողությունն Է: Սպանված կենդանիների ժանիքները տեղափոխվում են գլխավորապես Չինաստան եւ Վիետնամ: 1989 թվականին փղոսկրի միջազգային վաճառքն արգելվել Է, սակայն 2008 թվականին զիջողություն Է արվել ՉԺՀ-ի համար եւ թույլատրվել են միանվագ գնումներ: Այս սողանցքն Էլ օգտագործում են անօրինական առեւտրականները: