Հարավային Կորեայի առողջապահության նախարարը պաշտոնաթող Է եղել MERS վիրուսի բռնկման պատճառով

ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Հարավային Կորեայի նախագահ Պակ Կին Հեն օգոստոսի 4-ին ընդունել Է հանրապետության առողջապահության նախարարի հրաժարականը, որին հասարակայնությունն անարդյունավետ գործողությունների մեջ Է մեղադրել MERS մահաբեր վիրուսի բռնկման ժամանակ, տեղեկացնում Է «Արմենպրես»-ը՝ հղում անելով հանավկորեական ԶԼՄ-ներին:

Նախարար Մուն Հեն Տհեն ինքն Է պետության ղեկավարին առաջարկել ընդունել իր հրաժարականը եւ մինչ այդ ներողություն Է խնդրել երկրի բնակիչներից:

Ինչպես նշում Է «Ինտերֆաքս»-ը, կառավարության կազմում փոփոխությունը տեղի Է ունեցել այն բանից մեկ շաբաթ անց, երբ Հարավային Կորեան հայտարարեց MERS վիրուսի նկատմամբ տարած հաղթանակի մասին: Հարավային Կորեայում նշված վիրուսով հիվանդանալու նոր դեպքեր չեն գրանցվել հուլիսի 4-ից:

Մայիսի 20-ից, երբ Կորեայի Հանրապետությունում բացահայտվեց առաջին հիվանդը, երկրում գրանցվել Է MERS-ով վարակվելու 186 դեպք, մահացել Է 36 մարդ: