1 րոպեի ընթերցում
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Գերմանիայի կանցլեր Անգելա Մերկելի ազգանունից կազմված բառը գերմաներենում դարձել Է պարապության հոմանիշ, տեղեկացնում Է «Արմենպրես»-ը:
Խոսքը վերաբերում Է merkeln բային, որը գերմանացի երիտասարդության բառապաշարը համալրել Է 2015 թվականին: Բառի հայերեն համարժեքը կարելի Է համարել «մերկելություն անել» կամ «մերկելել» բայերը: Համաձայն այն սահմանման, որը տալիս Է Գերմանիայի Langenscheidt բառարանների հրատարակությունը, merkeln-ը նշանակում Է «ոչինչ չանել, խուսափել պատասխաններից եւ որոշումները թողնել հետագային»:
Ինչպես նշում Է ՌԻԱ Նովոստին, նոր բառը գերմանացիներն այնքան են սիրել, որ Langenscheidt-ի ամենամյա մրցույթում «մերկելել» բայն առաջատարն Է առցանց քվեարկության արդյունքներով եւ հավակնում Է «2015 թվականի երիտասարդական բառի» կոչմանը:
Լուսանկարը`Reuters