ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Եվրոպայի խորհրդի գլխավոր քարտուղար Թյորնբյորն Յագլանդը Եվրախորհրդի ինն անդամ-պետություններին, այդ թվում` Հայաստանին կոչ է արել վավերացնել կանանց նկատմամբ բռնության դեմ պայքարի և նախազգուշացման մասին Ստամբուլի կոնվենցիան։ Այս մասին «Արմենպրես»-ին հայտնի է դարձել Եվրախորհրդի պաշտոնական կայքից:
Եվրոպայի խորհրդի գլխավոր քարտուղարը իր աջակցությունն է է հայտնել այդ փաստաթուղթը ստորագրած 20 անդամ պետություններին։ «Ես կոչ եմ անում Հայաստանին, Ադրբեջանին, Բուլղարիային, Չեխիային, Իռլանդիային, Լատվիային, Լիխտենշտեյնին, Մոլդովայի Հանրապետությանը և Ռուսաստանի Դաշնությանն անհապաղ ստորագրել այդ փաստաթուղթը»,- շեշտել է Թյորնբյորն Յագլանդը։
Ստամբուլի կոնվենցիայի համաձայն՝ պետությունները պարտավոր են հետապնդել մեղավորներին, ապահովել զոհի պաշտպանությունը և միջոցներ ձեռնարկել կանանց դեմ բռնությունները կախելու ուղղությամբ։
Վերը նշված կոնվենցիան գործում է 2014 թվականի օգոստոսի 1-ից: Այն քրեական պատասխանատվություն է նախատեսում կանանց նկատմամբ սեռական բռնության, բռնաբարությունից մինչև հետապնդման և գործընկերների սեռական ոտնձգություններից մինչև հոգեբանական բռնությունների համար։