Իրավունք

Արդարադատության ակադեմիան կզբաղվի քննիչների թեկնածուների մասնագիտական պատրաստմամբ

7 րոպեի ընթերցում

Արդարադատության ակադեմիան կզբաղվի քննիչների թեկնածուների մասնագիտական պատրաստմամբ

ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Հայաստանում շատ մեծ ուշադրություն է դարձվում Արդարադատության ակադեմիային: Դրա զարգացումը մտնում է իրավական և դատական բարեփոխումների 2012-2016 թվականների ռազմավարության ծրագրի մեջ: Ժամանակակից ուսումնասիրությունները ցույց են տալիս, որ ցանկացած բարեփոխումների հաջողության հավանականությունը մեծանում է, եթե նրանում առկա է կրթական բաղադրիչը:

«Կրթության ոլորտում գնալով ավելի շատ երկրներում են օգտագործվում հեռաուսուցման տեխնոլոգիաները, որոնք մի քանի առավելություններ ունեն. խնայվում է ուսուցման մասնակիցների ժամանակը, տարածության հետ կապված խնդիրն է վերանում և նյութական առումով նույնպես որոշակի ռեսուրսներ են խնայվում: Մենք հեռաուսուցման ոլորտն ի սկզբանե համարել ենք մեր ակադեմիայի առաջնահերթություններից մեկը և, բարեբախտաբար, լավ մասնագետներ ունենք այդ ոլորտում»,-«Արմենպրես»-ի հետ զրույցում` նշեց ՀՀ Արդարադատության ակադեմիայի ռեկտոր, իրավաբանական գիտությունների թեկնածու Ռուբեն Մելիքյանը:

Նա նկատեց, որ եվրոպական տարածաշրջանում շուտով ավարտին է հասցվում հեռաուսուցման նոր մեթոդաբանությունը(գործող մեթոդաբանությունում առկա են որոշակի թերություններ), որը վերաբերում է Մարդու իրավունքների հեռահար կարգով ուսուցման մեթոդաբանությանը: «Մեր աշխատակիցը հրավիրվել է այդ մեթոդաբանությունը մշակող յոթ հոգանոց խմբի մեջ և, ինչպես փաստում են Եվրախորհրդի մեր գործընկերները, խմբի ամենաակտիվ անդամներից մեկն է, ինչը խոսուն փաստ է»,-շեշտեց Մելիքյանը` հավելելով, որ վերը նշված հեռաուսուցման նոր մեթոդաբանության շնորհանդեսը հավանաբար տեղի է ունենալու ընթացիկ տարվա հոկտեմբերին:

Արդարադատության ակադեմիայում հունիսի 30-ին տեղի ունեցած միջոցառման ընթացքում տրվել է Եվրոպայի Խորհրդի HELP ծրագրի շրջանակում հեռաուսուցման եղանակով իրականացվող առաջին փորձնական դասընթացի մեկնարկը: Առաջին խմբում ընդգրկված է 11 մասնակից՝ դատավորներ, դատախազներ, դատավորի օգնականներ, քննիչներ: Դասընթացը նվիրված է Մարդու իրավունքների եվրոպական կոնվենցիային և Մարդու իրավունքների եվրոպական դատարանի նախադեպային իրավունքին: Հինգ շաբաթվա ընթացքում մասնակիցները պետք է առցանց յուրացնեն թեման և կատարեն առաջադրանքները: Ծրագրի պատասխանատուները բաց են առաջարկների համար, պատրաստ են հաշվի առնել այն բոլոր կարծիքները, որոնք կօգնեն բարելավել դասընթացը:

Անդրադառնալով ՀՀ Արդարադատության ակադեմիայի հեռաուսուցման համակարգին`բանախոսն ընդգծեց, որ իրենց ռազմավարության հիմքում դրված է ոչ թե գիտելիքի փոխանցման մեխանիզմի, ինչպես շատ հաճախ դիտարկվում է հեռաուսուցումը, այլ հեռաուսուցման ձևաչափին համախատասխան մշակված որակյալ նյութերի առկայությունը: «Եթե դու ունես որակյալ նյութեր, ապա դրանցից կկարողանաս ստանալ գիտելիքների փոխանցման ճիշտ որակ, ինչը թույլ կտա հետագայում լրացուցիչ ռեսուրսներ խնայել փոխանցման ծախսերի վրա»,-նշեց Ռուբեն Մելիքյանը`հավելելով, որ իրենք մաշկել են հեռաուսուցման փորձնական մեկ դասընթաց, որն արժանացել է իրենց գործընկերների հավանությանը: «Իհարկե, հեռաուսուցումը չի կարող ամբողջությամբ փոխարինել առկա ուսուցմանը, սակայն կարող է ապահովել գիտելիքների մոտ 50 տոկոսը»,-պարզաբանեց Մելիքյանը:

Մինչև Ակադեմիայի ձևավորումը դատական և դատախազական համակարգերի համար կադրերի պատրաստման և վերապատրաստման գործառույթները վերապահված էին համապատասխանաբար Դատական և Դատախազության դպրոցներին, սակայն մեկ միասնական կառույցի գործառնության գաղափարը համահունչ է ժամանակակից միջազգային զարգացումներին, որը իրացվում է Ֆրանսիայում, Իտալիայում, Սլովենիայում, Սլովակիայում, Լեհաստանում և այլ երկրներում:

«Արմենպրես»-ի այն հարցին, թե արդյոք դատական և դատախազության դպրոցների միավորումը Ակադեմիայի գործունեության ընթացքում ինչ խնդիրների է հանգեցրել, նա պատասխանեց հետևյալը. «Արդարադատության ակադեմիան բացի դատական և դատախազական դպրոցների գործառույթների իրականացումից 2015 թվականից իր վրա է վերցրել նաև քննիչների թեկնածուների մասնագիտական պատրաստման և գործող քննիչների վերապատրաստման գործառույթները: Իսկ ինչ վերաբերում է խնդիրներին, ապա մենք անում ենք հնարավոր ամեն ինչ, որպեսզի առավելագույնի հասցնենք առավելությունները: Մենք երբեք չենք հանդիպել մի իրավիճակի, երբ դատավորները կամ դատախազները հրապարակայնորեն դժգոհություն հայտնեին համատեղ դասընթաց իրականացնելու վերաբերյալ: Մենք չենք ընտրում առանձնահատուկ դասընթացներ, այլ ընտրում ենք այնպիսինները, որ երկու թիրախային խմբերի մասնակցությունն արդյունավետ լինի. դատավորները լսում են դատախազների դիրքորոշումները և հակառակը, ինչը շատ լավ ուսումնական մեթոդ է: Բացի այդ մենք այժմ ակտիվորեն աշխատում ենք նաև փաստաբանների դպրոցի հետ, որպեսզի որոշակի առումով ուսումնական գործընթացին ներգրավենք նաև փաստաբաններին»:

Իրավական համակարգին վերաբերող օրենսդրական փաթեթով, որն Ազգային ժողովն ընդունել էր 2013 թվակնի մայիսի 2-ին, ՀՀ կառավարությունը որոշում ընդունեց ստեղծել Արդարադատության ակադեմիա: Կառավարության 2013 թվականի սեպտեմբերի 13-ի N 990-Ա որոշման համաձայն՝ Արդարադատության ակադեմիային է վերապահված դատական և դատախազական համակարգերը մասնագիտացված կադրերով ապահովելու գործառույթը:

Ակադեմիայի նպատակն է որակավորման ստուգման արդյունքներով դատավորների և դատախազների թեկնածուների ցուցակում ընդգրկված անձանց մեջ դատավորի կամ դատախազի պաշտոն զբաղեցնելու համար անհրաժեշտ հմտությունների ձևավորումը, դատական ծառայողների, դատախազության աշխատակազմում պետական ծառայողների և դատական կարգադրիչների վերապատրաuտումը, մասնագիտական գիտելիքների ընդլայնումը, համատեղ կրթական ծրագրերի իրականացումը:

ՔԿ-ն մանրամասներ է հայտնում Երևան-Սևան-Իջևան ավտոճանապարհի հյուրանոցում ողբերգական ելքով կրակոցների դեպքի մասին

Իրավունք

ՔԿ-ն մանրամասներ է հայտնում Երևան-Սևան-Իջևան ավտոճանապարհի հյուրանոցում ողբերգական ելքով կրակոցների դեպքի մասին

ՆԳ նախարար Վահե Ղազարյանն աշխատանքային այց է կատարել ՆԳՆ ոստիկանության զորքեր

Իրավունք

ՆԳ նախարար Վահե Ղազարյանն աշխատանքային այց է կատարել ՆԳՆ ոստիկանության զորքեր

Ոստիկանությունը ներկայացրել է մարզերում ուժեղացված ծառայության արդյունքները

Իրավունք

Ոստիկանությունը ներկայացրել է մարզերում ուժեղացված ծառայության արդյունքները

Ապօրինի ծագում ունեցող գույքի բռնագանձման վճռով հօգուտ Հայաստանի նախատեսվում է բռնագանձել ավելի քան 350 մլն դրամի գույք

Իրավունք

Ապօրինի ծագում ունեցող գույքի բռնագանձման վճռով հօգուտ Հայաստանի նախատեսվում է բռնագանձել ավելի քան 350 մլն դրամի գույք

ՀՀ ՔԿ-ն մանրամասներ է հայտնում «Հյուսիսային տերևաթափ» անվանումով ահաբեկչական գործողությունը նախապատրաստելու դեպքի նախաքննության մասին

Իրավունք

ՀՀ ՔԿ-ն մանրամասներ է հայտնում «Հյուսիսային տերևաթափ» անվանումով ահաբեկչական գործողությունը նախապատրաստելու դեպքի նախաքննության մասին

Կարգապահական խախտման հիմքով դադարեցվել են դատավոր Աննա Դանիբեկյանի լիազորությունները

Իրավունք

Կարգապահական խախտման հիմքով դադարեցվել են դատավոր Աննա Դանիբեկյանի լիազորությունները

ՀՀ վարչապետն ընդունել է ԱՄՆ պետքարտուղարի տեղակալին

Քաղաքականություն

ՀՀ վարչապետն ընդունել է ԱՄՆ պետքարտուղարի տեղակալին

Հայ-իրանական սահմանին Իրանի քաղաքացուն ծեծելու դեպքի առթիվ նախաձեռնվել է քրեական վարույթ. ՀՀ ՔԿ

Իրավունք

Հայ-իրանական սահմանին Իրանի քաղաքացուն ծեծելու դեպքի առթիվ նախաձեռնվել է քրեական վարույթ. ՀՀ ՔԿ

ՀՀ ՆԳՆ-ից մեկնաբանել են հայ-իրանական սահմանային անցակետում Իրանի քաղաքացուն ծեծի ենթարկելու մասին լուրերը

Իրավունք

ՀՀ ՆԳՆ-ից մեկնաբանել են հայ-իրանական սահմանային անցակետում Իրանի քաղաքացուն ծեծի ենթարկելու մասին լուրերը

19 հողամասի ապօրինի օտարմամբ պետությանը  մեծ վնաս է պատճառվել. ՊՆ նախկին պաշտոնյայի մասով նախաքննությունն ավարտվել է

Իրավունք

19 հողամասի ապօրինի օտարմամբ պետությանը մեծ վնաս է պատճառվել. ՊՆ նախկին պաշտոնյայի մասով նախաքննությունն ավարտվել է

Երիտասարդը սպանության փորձ է կատարել նախկին կնոջ և նրա քրոջ նկատմամբ․ նախաքննությունն ավարտվել է

Իրավունք

Երիտասարդը սպանության փորձ է կատարել նախկին կնոջ և նրա քրոջ նկատմամբ․ նախաքննությունն ավարտվել է

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում