ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Եվրամիությունը հաստատել է Հունաստանին 7.2 միլիարդ եվրոյի վարկի հատկացումը, որը պետք է օգնի այդ երկրին խուսափել դեֆոլտից` մինչև ֆինանսական օգնության երրորդ տրանշի հատկացումը: «Արմենպրես»-ի հաղորդմամբ` այս մասին հատնում էBloomberg գործակալությունը:
«Եվրամիության անդամ 28 երկրների կնքած համաձայանգիրը թույլ կտա Հունաստանին խուսափել անհապաղ դեֆոլտից»,- նշել է Եվրահանձնաժողովի փոխնախագահ Վալդիս Դոմբրովսկիսը` հավելելով, որ նշված գումարի փոխանցումը կատարվելու է գալիք երկուշաբթի:
Հունաստանին հատկացվելիք վարկը թույլ կտա հունական կառավարությանը կատարել 3.5 մլրդ եվրոյի վճարում Եվրոպական կենտրոնական բանկի և Արժույթի միջազգային հիմնադրամի պարտքերի դիմաց: