Պուտինը եւ Օբաման բարձր գնահատական են տվել Իրանի շուրջն ավարտված բանակցությունների արդյունքներին
2 րոպեի ընթերցում
![Պուտինը եւ Օբաման բարձր գնահատական են տվել Իրանի շուրջն ավարտված բանակցությունների արդյունքներին](http://armenpress.am/resized/480/static/news/b/2015/07/812301.jpg)
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Ռուսաստանի եւ ԱՄՆ-ի նախագահներ Վլադիմիր Պուտինը եւ Բարաք Օբաման կայացած հեռախոսազրույցի ժամանակ բարձր գնահատական են տվել Իրանի միջուկային ծրագրի շուրջն ստեղված իրադության կարգավորման՝ Վիեննայում ավարտված բանակցությունների արդյունքներին: Ինչպես տեղեկացնում Է «Արմենպրես»-ը, այս մասին հաղորդել Է Կրեմլի մամուլի ծառայությունը: Զրույցը տեղի Է ունեցել ամերիկյան կողմի նախաձեռնությամբ:
«Նշվել Է, որ այդ հարցի քաղաքական-դիվանագիտական լուծման որոնման բազմամյա ջաքերի հաջողությունը հնարավոր Է դարձել «վեցյակի» երկրների, Իրանի, ինչեպս նաեւ Եվրամիության կառուցողական փոխգործակցության շնորհիվ»,- ասված Է հաղորդագրության մեջ:
Երկուստեք ընդգծվել Է, որ Իրանի միջուկային ծրագրի շուրջը համապարփակ համաձայնությունը համապատասխանում Է ամբողջ միջազգային հանրակցության շահերին, նպաստում Է միջուկային չտարածման ռեժիմի ամրապնդմանը, Մերձավոր Արեւելքի տարածաշրջանում լարվածության նվազմանը: Այս առնչությամբ ընդգծված Է ռուս-ամերիկյան երկխոսության դերն աշխարհում անվտանգության եւ կայունության ապահովման բնագավառում:
«Արտահայտվել Է համատեղ աշխատանքի շարունակման փոխադարձ տրամադրվածությունն՝ ի շահ Վիեննայի համաձայնությունների անխախտ իրագործման, ինչպես նաեւ որոշ հրատապ միջազգային թեմաների վերաբերյալ, ներառյալ միջազգային ահաբեկչության հակազդումը,- նշված Է Ռուսաստանի պետության ղեկավարի մամուլի ծառայության հաղորդագրության մեջ:
Պուտինը եւ Օբաման շնորհավորանքններ են փոխանակել ռուս-ամերիկյան հարաբերությունների օրացույցի նշանակալից տարեթվի՝ «Սոյուզ» - «Ապոլոն» ուղեծրային թռիչքի իրականացման 40-րդ տարեդարձի առթիվ, հաղորդել Է ՏԱՍՍ-ը: