Շախմատի Հայաստանի չեմպիոնը Բարսելոնայի մրցաշարի առաջատարն է
1 րոպեի ընթերցում
![Շախմատի Հայաստանի չեմպիոնը Բարսելոնայի մրցաշարի առաջատարն է](http://armenpress.am/resized/480/static/news/b/2015/07/811748.jpg)
ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Շախմատի Հայաստանի չեմպիոն Կարեն Գրիգորյանը շարունակում է հաջող ելույթերը Բարսելոնայում ընթացող միջազգային շախմատային մրցաշարում: «Արմենպրես»-ի հաղորդմամբ, այս մասին տեղեկացնում է Հայաստանի շախմատի ֆեդերացիան:
Բարսելոնայում ընթացող բաց մրցաշարում հանդես են գալիս նաև Հայաստանը ներկայացնող գրոսմայստեր Կարեն Գրիգորյանը, միջազգային վարպետներ Տիգրան Հարությունյանը և Տիգրան Ս. Պետրոսյանը: Մրցաշարային աղյուսակը խաղացված 4 տուրերից հետո միանձնյա գլխավորում է Կարեն Գրիգորյանը, ով ունի 4 միավոր: Տիգրան Պետրոսյանն ունի 3, իսկ Տիգրան Հարությունյանը՝ 2.5 միավոր: