1 րոպեի ընթերցում
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Ֆուտբոլի եվրոպական միության ակումբային վարկանիշային աղյուսակում հայկական թիմերն առաջադիմել են:
ՈՒԵՖԱ-ի Եվրոպայի լիգայի և Չեմպիոնների լիգայի որակավորման առաջին փուլում հայկական ակումբները բավականին հաջող մեկնարկեցին: Այդ ամենից ելնելով՝ ՈՒԵՖԱ-ի նոր վարկանիշային աղյուսակում Հայաստանի ակումբներն առաջադիմել են երեք հորիզոնականով: «Արմենպրես»-ի հաղորդմամբ, այս մասին տեղեկացնում է ՈՒԵՖԱ-ն:
ՉԼ-ում «Փյունիկ»-ը 2:1 հաշվով հաղթեց Սան Մարինոյի չեմպիոն «Ֆոլգորե»-ին: Եվրոպայի լիգայում «Շիրակ»-ը 2:0 հաշվով առավելության հասավ«Զրինսկի»-ի, իսկ «Ալաշկերտը»՝ 1:0 հաշվով շոտլանդական «Սենտ Ջոնսթոն»-ի նկատմամբ: Միայն «Ուլիս»-ը արտագնա խաղում ոչ-ոքի խաղաց ( 0:0 ) Մալթան ներկայացնող «Բիրկիրկարայի» հետ: