«Յուրայի դարաշրջանի աշխարհը» ֆիլմն առաջին հանգստյան օրերին դրամամուտքի ռեկորդ Է սահմանել

ԵՐԵՎԱՆ, 15 ՀՈՒՆԻՍԻ, ԱՐՄԵՆՊՐԵՍ: «Յուրայի դարաշրջանի աշխարհը» ֆիլմը դրամամուտքի ռեկորդային ցուցանիշի Է հասել վարձույթի առաջին հանգստյան օրերին: Այս մասին, ինչպես տեղեկացնում Է «Արմենպրես»-ը, գրել Է Business Insider-ը:

Հյուսիսային Ամերիկայում ֆիլմն առաջին հանգստյան օրերին հավաքել Է 204,6 միլիոն դոլար: Արտասահմանում ցուցանիշը կազմել Է 307,2 միլիոն դոլար: Ընդանուր գումարը, համապատասխանաբար, հասել Է 511,8 միլին դոլարի:

Դա ռեկոդրդ Է ոչ միայն արտադրողի՝ Universal կինոընկերության համար, այլեւ համաշխարհային կինոինդուստրիայի խոշորագույն ցուցանիշն Է: Ավելի վաղ ոչ մի ֆիլմի չի հաջողվել ամբողջ աշխարհում առաջին հանգստյան օրերին գերազանցել 500 միլիոն դոլարի ցուցանիշը: «Հարի Փոթերը եւ մահվան պարգեւները: Մաս 2-րդ» ֆիլմն այժմ երկրորդ տեղում Է՝ 483 միլիոն դոլար ցուցանիշով:

Universal ընկերության վերջին ֆիլմերից մեկը, որը թողարկվել Է ապրիլին, «Ֆորսաժ 7»-ը, առաջին հանգստյան օրերին հավաքել Է 147 միլիոն դոլար: