Ջենիֆեր Լոպեսի կազմվածքը հաղթել Է հայտնիների գեղեցկության վարկանիշում

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Ամերիկյան US Weekly հանդեսը երգչուհի եւ դերասանուհի Ջենիֆեր Լոպեսի մարմինը լավագույնն Է ճանաչել աստղերի շրջանում եւ նրա լուսանկարը զետեղել Է նոր համարի շապիկին, որը վաճառքի կհանվի մայիսի 25-ին: Այդ մասին, ինչպես տեղեկացնում Է «Արմենպրես»-ը, հաղորդվում Է հրատարակության կայքում:

Հանդեսում նաեւ հրապարակվել Է 45-ամյա Լոպեսի հետ հարցազրույցը, որտեղ նա պատմում Է իր գեղեցկության գաղտնիքների մասին: «Ես առողջ կենսակերպ եմ վարում եւ միշտ փնտրում եմ այն, ինչն ինձ կօգնի այն լավացնել»,-հայտարարել Է դերասանուհին:

Լոպեսը նաեւ նշել Է, որ ջանում Է ազատ ժամանակը նվիրել իր երեխաներին՝ յոթնամյա երկվորյակներ Մաքսին եւ Էմմային:

Ընդամենը գեղեցիկ մարմին ունեցող աստղերի վարկանիշում տեղ Է գտել 18 մարդ, սակայն նրանց անունները հրատարակության կայքում չեն ճշտվում: