1 րոպեի ընթերցում
ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Universal Pictures կինոընկերությունը հրապարակել Է Apple-ի հիմնադիր Սթիվ Ջոբսի մասին կենսագրական նոր ֆիլմի թիզեր-թրեյլերը: Մեկրոպեանոց տեսահոլովակը զետեղված Է YouTube-ում, տեղեկացնում Է «Արմենպրես»-ը:
Տեսագրության մեջ հայտնվում են գլխավոր դերակատար Մայքլ Ֆասբենդերը, ինչպես նաեւ Քեյթ Ուինսլեթը, Սեթ Ռոգենը եւ Ջեֆ Դենիելսը: Թիզերի հեղինակները ցուցադրել են այն դրվագը, որտեղ Սթիվ Ջոբսն իր ընկերության նոր արտադրանքն Է ներկայացնում ծափահարող լսարանի առջեւ:
Կինոնկարի ռեժիսորն Է Դենի Բոյլը («Ասեղի վրա», «Միլիոնատերը հետնախորշերից»), սցենարիստը՝ Ահարոն Սորկինը («Սոցիալական ցանց», «Մարդ, որ փոխեց ամեն ինչ»): Հայտնի Է, որ սյուժեի կենտրոնում կլինի Apple-ի հիմնադրի կյանքն այն ժամանակաշրջաններում, որոնք նախորդել են այս կամ այն արտադրանքի, օրինակ՝ Macintosh համակարգիչների կամ iPad սարքի հայտնվելուն:
Նկարարահանումներն սկսվել են 2015 թվականի հունվարին: Ցուցադրության օրն առայժմ չի ճշտվում: