Շոու բիզնես

Ումա Թուրմանը կատակերգական ֆիլմում նկարահանվում Է խարդախ կնոջ դերում

1 րոպեի ընթերցում

Ումա Թուրմանը կատակերգական ֆիլմում  նկարահանվում Է խարդախ կնոջ դերում

ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Ամերիկացի դերասանուհի Ումա Թուրմանն ընդունել Է «Գալիս են բրիտանացիները (The Brits Are Coming) կատակերգությունում գլխավոր դերը խաղալու առաջարկությունը: Այս մասին, ինչպես տեղեկացնում Է «Արմենպրես»-ը, հաղորդել Է Hollywood Reporter շաբաթահանդեսը: Կինոնկարի ռեժիսոր Է հաստատվել Ջեյմս Օքլին, որը հայտնի Է սոսկ մեկ՝ «Դեւը, որին դու ճանաչում ես» (The Devil You Know, 2013) ֆիլմով:

Թուրմանը կխաղա Հարիետի դերը, որն ամուսնու հետ Մեծ Բրիտանիայից Լոս Անջելես Է փախչում թղթախաղում խոշոր գումար տանուլ տալուց հետ: Նրանց հետապնդում են այն ավազակախմբի անդամները, որին նրանք զգալի գումար են պարտք: Պարտքը մարելու համար զույգը կեղծ թանկարժեք իրերի վաճառքի գործողություն Է մշակում:

Կատակերգության նկարահանումները կսկսվեն առաջիկա հուլիսին: Թուրմանի հետ մեկտեղ կինոնկարին մասնակցում Է ամերիկացի դերասանուհի Քրիստին Չենովետը: Մյուս դերերի կաստինգը շարունակվում Է:

Մինչդեռ այժմ ավարտվում Է աշախատանքը ռեժիսոր Ջոն Ուելսի «Ադամ Ջոնս» կինոնկարի վրա, որին մասնակցում Է Ումա Թուրմանը: Ֆիլմը վարձույթ Է դուրս գալու ընթացիկ տարվա հոկտեմբերի 2-ին, հաղորդել Է ՏԱՍՍ-ը:

Լուսանկարը` AP

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում