1 րոպեի ընթերցում
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: Բրազիլիայի նախագահ Դիլմա Ռուսեֆը լիահույս է և հավաստիացնում է, որ Բրազիլիան կկարողանա լավ անցկացնել Ռիոյի 2016 թվականի օլիմպիական խաղերը:
«Մենք մեր երկիրը աշխարհին կներկայացնենք կազմակերպվածությամբ և խաղերի անվտանգության շնորհիվ: Հենց օլիմպիական ավանի գեղեցկությամբ էլ կարող ենք ապացուցել դա: Ես համոզված եմ, որ Բրազիլիայում կանկացվեն լավագույն խաղերը»,-«Արմենպրես»-ի հաղորդմամբ, Բրազիլիայի նախագահի խոսքը մեջ է բերում Eurosport-ը:
Ռիոյի 2016 թվականի օլիմպիական խաղերը 31-րդ ամառային խաղերն են: Խաղերի բացման պաշտոնական արարողությունը կկայանա օգոստոսի 5-ին Ռիոյի լեգենդար «Մարականա» մարզադաշտում: Օգոստոսի 5-21-ը`17 օրում աշխարհի 205 երկրից մոտ 10500 մարզիկներ կմրցեն 306 մեդալների հավաքածուների համար: Ռիոյի օլիմպիական խաղերն առաջին խաղերն են, որ անցկացվում են Հարավային Ամերիկա մայրցամաքում: Օլիմպիական խաղերը կանցկացվեն Ռիոյի դե Ժանեյրոյի Կոբակաբանա, Մարականա, Դեոդորո և Բարա շրջաններում: