Ռիոյի Օլիմպիական խաղերի համար հատուկ հուշադրամներ են թողարկել

ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Բրազիլիայի կենտրոնական բանկը Ռիոյի 31-րդ ամառային Օլիմպիական խաղերի համար հատուկ հուշադրամներ է թողարկել: Հուշադրամները թողարկվում են արդեն երկրորդ անգամ: Այս անգամ բրազիլական բանկը թողարկել է4 տեսակի հուշադրամներ, որոնցից 3-ը նվիրված են Օլիմպիական խաղերին և ունեն բասկետբոլի, ռեքբիի և առագաստանավային սպորտի պատկերներ, իսկ մեկը` Պարալիմպիկ խաղերին նվիրված, որն ունի մակույկի նկար: Հուշադրամները ոսկեջրած և արծաթեջրած են: «Արմենպրես»-ի հաղորդմամբ, այս մասին տեղեկացնում է խաղերի պաշտոնական կայքը:

Ռիոյի 2016 թվականի Օլիմպիական խաղերը 31-րդ ամառային խաղերն են: Խաղերի բացման պաշտոնական արարողությունը կկայանա օգոստոսի 5-ին Ռիոյի լեգենդար «Մարականա» մարզադաշտում: Օգոստոսի 5-21-ը`17 օրերի ընթացքում աշխարհի 205 երկներից, մոտ 10,500 մարզիկներ կմրցեն 306 մեդակների հավաքածուները համար: Ռիոյի Օլիմպիական խաղերն առաջին խաղերն են, որ անցկացվում են Հարավային Ամերիկա մայրցամաքում: Օլիմպիական խաղերը կանցկացվեն Ռիոյի 4 շրջաններում` Կոբակաբանա, Մարականա, Դեոդորո և Բարա: Խաղերի ընթացքում կարող են վաճառվել ավելի քան 7,5 միլիոն տոմս:

Ռիոն 2016 թվականի Օլիմպիական խաղերի քաղաք ընտրվեց 2009 թվականին ՄՕԿ 121-րդ նստաշրջանի ընթացքում: Եզրափամկիչ երկու քաղաքներից` Մադրիդ և Ռիո դե Ժանեյրո, հավաքելով 66 ձայն Ռիոն դարձավ հարավամերիկյան առաջին քաղաքը, որը կընունի ամառային խաղերը: