1 րոպեի ընթերցում
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: «Գրեմմի»-ի բազմակի դափնեկիր Քանյե Ուեսթն, ով կնոջ՝ հեռուստաաստղ Քիմ Քարդաշյանի հետ գտնվում է Երևանում, անվճար համերգ է տալու Երևանում։ ‹‹Արմենպրես››-ի փոխանցմամբ` համերգ կկազմակերպվի կեսգիշերին Երևանում՝ Կարապի լճի հարեւանությամբ: Անվճար համերգի մասին երկրպագուներին տեղեկացրել է Քիմ Քարդաշյանը: «Թվիթեր»-ի իր միկրոբլոգում վերջինս հետեւյալ գրառումն է թողել: ‹‹Քանյեն Երեւանում անվճար համերգ է տալիս բոլորի համար: Այսօր կեսգիշերին՝ Կարապի լճի մոտ: Կտեսնվենք այնտեղ››,- գրել է Քարդաշյանը:
Հայաստան այցելության ընթացքում Ուեսթը եղել է նաեւ ստեղծարարա տեխնոլոգիաների «Թումո» կենտրոնում: Ամերիկահայ հայտնի Քարդաշյանների ընտանիքն ապրիլի 8-ին ժամանեց Երևան: Քիմ և Քլոե Քարդաշյաններն շրջել են մայրաքաղաքով` այցելել «Մայր Հայաստանե հուշարձան և «Կասկադե համալիր` այդ ընթացքում լուսանկարվելով և շփվելով հայ երկրպագուների հետ, եղել Գեղարդում: Ապրիլի 10-ին Քարդաշյաններն այցելել են Հայոց ցեղասպանության հուշահամալիր` հարգանքի տուրք մատուցելով Ցեղասպանության զոհերի հիշատակին: