388.33
Հայոց ցեղասպանության թանգարան-ինստիտուտը կվերաբացվի ապրիլի 25-ին
1 րոպեի ընթերցում
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Հայոց ցեղասպանության թանգարանը ապրիլի 24-ինբաց կլինի միայնպաշտոնական այցելությունների համար, իսկ հանրության համար, վերանորոգումից հետո բացարձակապես նոր տեսքով թանգարանը բաց կլինի հաջորդ օրվանից: Այս մասին մարտի 30-ին լրագրողներին տեղեկացրեց Հայոց ցեղասպանության թանգարան-ինստիտուտի տնօրեն Հայկ Դեմոյանը:
«Մենք հիմա փորձում ենք ճշտել, թե ինչ տարբերակով կարող ենք ներկայանալ հանրությանը: Չենք ցանկանում գոյացնել հերթեր, քանի որ հարյուրավոր մարդկանց հերթերը կարող են վատ հետևանքներ ունենալ»,- նշեց Հայկ Դեմոյանը:
Թանգարանը վերանորոգումոց հետո հանրությանը կներկայանա բոլորովին այլ տեսքով, որտեղ առկա են լինելու էլեկտրոնային սարքավորումներ և ձեռքի հպումով աշխատող էկրաններ: Մարդկանց մեծ հոսքի առկայության դեպքում, ըստ թանգարանի տնօրենի, իրենք ի վիճակի չեն լինի բոլոր ցանկացողների համար ապահովել թանգարանում առկա համակարգերից օգտվելուհնարավորություն:
