Ջեյմս Բոնդի մասին նոր ֆիլմի թիզեր-թրեյլերը համացանցում է

ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Ջեյմս Բոնդի մասին նոր «007: Սպեկտր» ֆիլմի առաջին պաշտոնական թիզեր-թրեյլերը համացանցում է: Ինչպես տեղեկացնում է «Արմենպրես»-ը՝ վկայակոչելով gazeta.ru-ն, Բոնդի մասին 24-րդ ֆիլմի ռեժիսորն է Սեմ Մենդեսը: 007 գործակալի մասին նոր ֆիլմի նկարահանման աշխատանքները տեղի են ունենում Իտալիայում և Մեծ Բրիտանիայում, ինչպես նաև Ավստրիայում և Մարոկկոյում: Ֆիլմի պրոդյուսերի խոսքով՝ նկարահանման ամենադժվար գործընթացը կլինի Մեխիկոյում, որտեղ հետապնդման տեսարանում կմասնակցի 1,5 հազար մարդ. զանգվածային տեսարանը կներկայացնի Մահացածների օրվա տոնակատարությունը: