1 րոպեի ընթերցում
ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Հանրապետությունում անցած 3 օրվա ընթացքում արձանագրված ճանապարհատրանսպորտային 24 պատահարի հետևանքով 33 մարդ ստացել է տարբեր աստիճանի մարմնական վնասվածքներ: «Արմենպրես»-ի հաղորդմամբ` ըստ ոստիկանության օպերատիվ հաղորդագրությունների ամփոփագրերի, մարտի 6-ից 9-ն ընկած ժամանակահատվածում հանրապետությունում արձանագրվել է սպանության 1 դեպք: Արձանագրված սպանության փորձի 1 դեպքը բացահատվել է: Մարմնական վնասվածք հասցնելու 21 դեպքից բացահայտվել է 20-ը:Բացահայտվել է գողության 9, խարդախության 12, խուլիգանության 2, յուրացման և համակարգչային հանցագործության 1-ական դեպք: Նախկինում կատարված հանցագործություններից բացահայտվել է մարմնական վնասվածք հասցնելու 2, գողության 8, խարդախության 3, սպանության փորձի, կողոպուտի և յուրացման 1-ական դեպք: