1 րոպեի ընթերցում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Հոլիվուդյան դերասան Հարիսոն Ֆորդը մարտի 5-ին ավիավթարի Է ենթարկվել, երբ նրա ինքնաթիռն ընկել է գոլֆի խաղադաշտումԼոս Անջելեսի արվարձանում:«Դերասանը ողջ Է, բայց բազմաթիվ վնասվածքներ Է ստացել, այդ թվում՝ գլխի վնասվածք»,- «Արմենպրես»-ի հաղորդմամբ`գրում է TMZ ինտերնետային կայքը: Այս տեղեկատվությունը հավաստել Է Լոս Անջելեսի ոստիկանությունը՝ չհայտնելով օդաչուի անունն ու ազգանունը: Նրա խոսքով՝ աղետի պատճառ Է դարձել տեխնիկական անսարքությունը:
Հարիսոն Ֆորդն սկսել Է կինոյում նկարահանվել 1964 թվականին, ավելի ուշ դարձել Է Հոլիվուդի ամենաբարձր վարձատրվող կինոդերասաններից մեկը: Նրան համաշխարհային հռչակ են բերել տիեզերական օդաչու Հան Սոլոյի դերը «Աստղային պատերազմներ» ֆիլմերի սերիաներում եւ արկածախնդիր հնագետ Ինդիանա Ջոնսի դերը:
Ֆորդը գլխավոր դերեր Է խաղացել հոլիվուդյան շատ ֆիլմերում, որոնք ռեկորդային դրամարկղային մուտքեր են բերել, այդ թվում «Նախագահի ինքնաթիռը» եւ «Փախստականը» ֆիլմերում, հաղորդել Է ՏԱՍՍ-ը: