1 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: «Նուբարաշեն» քրեակատարողական հիմնարկի մոտ հնչած կրակոցների հետևանքով մահացած անձանց ինքնությունը հայտնի է: Ինչպես «Արմենպրես»-ի հետ զրույցում ասաց ՀՀ ոստիկանության լրատվական բաժնի աշխատակից Արմեն Մալխասյանը, հրազենային վնասվածքից Էրեբունի հիվանդանոց հասցնելու ճանապարհին մահացել են 1972 թվականի Լևոն Ղազարյանը (հայտնիˋ «Երրորդմասցի Լյովիկ» մականունով) և 1980 թվականին ծնված Դրաստամատ Թադևոսյանը (Դերո մականունով): «Երրորդ մահացածիˋ Մեսրոպ Մ.-ի, ազգանունը դեռ ճշտվում է»,- ասաց Մալխասյանը:
Մեսպոպ Մ-.ն մահացել է տեղում՝ հրազենային մահացու վնասվածք ստանալով գլխի շրջանում և նրա մարմինը դեռ ընկած է դեպքի վայրում: Դեպքի վայրում աշխատում են մեծ թվով ոստիկաններ, քննիչներ։