1 րոպեի ընթերցում
ԵՐԵՎԱՆ, 4 ՄԱՐՏԻ, ԱՐՄԵՆՊՐԵՍ: Նուբարաշեն վարչական շրջանում տեղի ունեցած միջադեպի գործը փոխանցվել է ՀՀ քննչական կոմիտեին: «Հիմա դեպքի վայրում է քննչական խումբը: Զոհվածների ինքնությունը պարզվում է: Ավելի մանրամասն տեղեկատվություն մենք ավելի ուշ կտրամադրենք»,- «Արմենպրես»-ի հետ զրույցում ասաց կոմիտեի մամուլի քարտուղար Սոնա Տռուզյանը:
Դեպքի առթիվ հարուցվել է քրեական գործ՝ Քրեական օրենսգրքի 104 (Սպանությունը) և 235 (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը)հոդվածների հատկանիշներով:
Գործակալության հետ հեռախոսազրույցում Էրեբունի բժշկական կենտրոնի մամուլի քարտուղար Շուշան Հունանյանը հայտնել էր, որ «Նուբարաշեն» քրեակատարողական հիմնարկի մոտակայքում տեղի ունեցած կրակողների արդյունքում բժշկական կենտրոն տեղափոխված երկու տուժածները մահացել են: Տեղեկությունների համաձայն միջադեպի հետևանքով սպանվել է երեք մարդ, մեկըˋ տեղում: