Ռիոյի օլիմպիական խաղերում Մեծ Բրիտանիան կարող է կրկին ներկայանալ միասնական թիմով

ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Ռիո դե Ժանեյրոյի 2016 թվականի օլիմպիական խաղերին կարող են մասնակցել Մեծ Բրիտանիայի ֆուտբոլի կանանց և տղամարդկանց հավաքականները ևս:

Անգլիայի ֆուտբոլի ֆեդերացիան կրկին առաջարկով դիմել է Ուելսի, Շոտլանդիայի և Իռլանիդայի ֆեդերացիաններին` Օլիմպիական խաղերում կրկին միասին հանդես գալու համար: Այս անգամ, եթե թիմը կազմվի, ապա նրանք պետք է սկսեն որակավորման փուլից: Առաջարկի պատասխանները ֆեդերացիաները կուղարկեն առաջիկայում:

«Արմենպրես»-ի հաղորդմամբ, այս մասին տեղեկացնում է Associated Press-ը:

2012 թվականի Լոնդոնի Օլիմպիական խաղերում 1960 թվականից ի վեր առաջին անգամ Մեծ Բրիտանիան հանդես եկավ միացյալ թիմով: Կարծիքներ կային, որ այն բացառություն կլինի: