1 րոպեի ընթերցում
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Հայաստանի շախմատի հավաքականի անդամ Գաբրիել Սարգսյանը Եվրոպայի անհատական առաջնությունում առաջատարների եռյակում է:
Իսրայելի Երուսաղեմ քաղաքում շարունակվող շախմատի Եվրոպայի անհատական առաջնությունում կայացավ 6-րդ տուրի հանդիպումները: Իրենց պարտիաները հաղթանակով ավարտեցին Գաբրիել Սարգսյանը, Սամվել Տեր-Սահակյանը, Արման Միքայելյանը: Ոչ-ոքի են խաղացել Զավեն Անդրիասյանը, Վլադիմիր Հակոբյանը, Ռոբերտ Հովհաննիսյանը, Հրանտ Մելքումյանը: Իսկ Կարեն Գրիգորյանը և Վլադիմիր Պողոսյանը պարտություն կրեցին:
«Արմենպրես»-ի հաղորդմամբ, 6 տուրից հետո առաջատարները, այդ թվում և Գաբրիել Սարգսյանը, ունեն 5 –ական միավոր: 4 միավոր ունեն Արման Միքայելյանը, Սամվել Տեր-Սահակյանը, Վլադիմիր Հակոբյանը, Զավեն Անդրիասյանը:
