1 րոպեի ընթերցում
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Հնարավոր է Ռիո դե Ժանեյրոյում 2016 թ. կայանալիք ամառային Օլիմպիական խաղերի ջահը բոցավառվի միաժամանակ երկու մարզադաշտում. հանրահայտ «Մարականայում» , ուր տեղի են ունենալու բացման և փակման հանդիսավոր արարողությունները և «Նիլտոն Սանթոսում» , որտեղ անցկացվելու են ատլետիկական մրցումները:
«Արմենպրես»-ի հաղորդմամբ, այս մասին տեղեկացնում է ՀԱՕԿ լրատվական բաժինը: Խաղերի կազմկոմիտեի արարողակարգի տնօրեն Լեոնարդո Կաետանոն ասել է, որ, ավանդույթի համաձայն, կրակը պետք է վառվի օլիմպիական գլխավոր մարզադաշտում, թեև կարելի է բոցավառել նաև երկրորդ մարզադաշտի ջահը: Նման տարբերակին դեմ չէ միջազգային օլիմպիական կոմիտեի նախագահ Թոմաս Բախը: