398.84
Սոսո Պավլիաշվիլին, Անչոկը և Նարին հանդես կգան մեկ բեմում
1 րոպեի ընթերցում
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Վրացի հայտնի երգիչ Սոսո Պավլիաշվիլին, երգչուհիներ Անչոկը (Աննա Աղաջանյան) և Նարի Հարությունյանը ելույթ կունենան մեկ բեմում: «Արմենպրես»-ի թղթակցին միջոցառման կազմակերպիչ «Ֆորպոստարտ» ընկերության գլխավոր տնօրենԶառա Մխեյանը տեղեկացրեց, որ երեք երգիչները միասին հանդես կգան մայիսի 2-ին Կարեն Դեմիրճյանի անվան մարզահամերգային համալիրում:
«Ես կարծում եմ, որ Անչոկը և Նարին պրոֆեսիոնալ երգչուհիներ են և պետք է հասանելի լինեն հանրությանը: Գիտեմ և հավատում եմ, որ մարդիկ կգան, կմասնակցեն համերգին և հաճույք կստանան»,- նշեց Զառա Մխեյանը: Համերգային երեկոյի ընթացքում կհնչեն թե՛ սիրված հիթեր, թե՛ նոր երգեր:
Սոսո Պավլիաշվիլին, Անչոկը և Նարի Հարությունյանը ներկայացնելու են կենդանի կատարումներ, և երեք ժամ ունկնդիրը կվայելի յուրահատուկ երաժշտություն:
«Ֆորպոստարտ» ընկերությունը բազմաթիվ համերգներ և միջոցառումներ է կազմակերպում Հայաստանում, Ռուսաստանում և այլ երկրներում: Նախորդ տարի ընկերությունը կազմակերպել էր անվանի ծաղրերգու Մաքսիմ Գալկինի մենահամերգը Հայաստանում, որը մեծ հաջողություն էր ունեցել:
Բաժանորդագրվեք մեր ալիքին Telegram-ում