Հայաստանում հակասեմականություն չկա ու չի էլ եղել. Ռիմա Վարժապետյան-Ֆիլլեր

3 րոպեի ընթերցում

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Հայաստանում երբեք չի եղել հակասեմականություն, և այսօր էլ մենք ոչ մի կերպ նման տրամադրություններ չենք զգում: «Արմենպրես»-ի հետ զրույցում նման հայտարարություն արեց Հայաստանում հրեական համայնքի նախագահ Ռիմա Վարժապետյան-Ֆիլլերըˋ անդրադառնալով վերջին շրջանում օտարերկրյա մի շարք լրատվամիջոցներում շրջանառվող հոդվածներին, որոնցում Հայաստանն ու հայերը զրպարտիչ կերպով մեղադրվում էին հակասեմականության մեջ: «Ցավոք, հարևաններին չեն ընտրում: Եվ Հայաստանն, ի դեմս Ադրբեջանի, թշնամական հարևան ունի: Այդ ժողովուրդն այնքան է զոմբիացած այն գաղափարով, որ հայերը թշնամի են, որ ամեն ինչին նայում են միայն այդ պրիզմայով: Ես շատ եմ ափսոսում, որ այս պայքարի մեջ են ներքաշվել հրեական համայնքները: Հրեական համայնքը պետք է զերծ մնա քաղաքական հարձակումներից և խաղերից: Ես միշտ ասել եմ և հուսով եմ ապագայում էլ ասել, որ Հայաստանում հակասեմականություն չի եղել: Հրեականության հետ կապված խնդիրներ մենք չունենք»,- ասաց Վարժապետյանը:

Նրա կարծիքով այդ հոդվածները ոչ այլ ինչ են, քան քաղաքական պատվեր, իսկ հոդվածների հեղինակները Իսրայելում բարեկեցիկ կյանքով բնակվող և Ադրբեջանի հովանավորությունը վայելող անպատասխանատու վերլուծաբաններ և շինծու «պատմաբաններ» են, ովքեր վաճառվում են և նենգափոխում իրողությունը:

«Չենք հասկանում, որտեղից է «Զրպարտության դեմ լիգան» նման տեղեկություններ հավաքել: Փոխանակ հետամուտ լինելու իրենց երկրումˋ Ադրբեջանում, տիրող հակասեմականության դրսևորումներին և վերացնելու դրանց պատճառները, այդ լրագրողները, «պատմաբանները» մատնացույց են անում Հայաստանին»,- նշում է Հայաստանում հրեական համայնքի ղեկավարը և հավելում,- «Մենք պետք է աշխարհին մեր տեսակետը հայտնենք, ցույց տանք, որ սա սադրանք է, պրովոկացիա, իրականության նենգափոխում: Եթե մենք ինչ-որ խնդիրներ էլ ունենք երկրի ներսում, ապա ինքնուրույն ենք լուծում մեր խնդիրները: Հայաստանի հրեական համայնքներին չպետք է ներքաշել այդ ինտրիգների մեջ»:

2014 թվականի վերջերից սկսածˋ Հայոց ցեղասպանության 100-ամյա տարելիցի նախօրեին մի շարք օտարերկրյա լրատվամիջոցներˋ haaretz.com, jns.org, The Hill, միակողմանի և կասկածելի տեղեկատվությամբ հոդվածներ հրապարակեցին, ուր Հայաստանը ներկայացվում էր որպես հակասեմական երկիր: Հրապարակումներից հետո անմիջապես առանձին հոդվածով հանդես եկավ Հայաստանի հրեական համայնքի նախագահ տիկին Ռիմա Վարժապետյան-Ֆելլերըˋ հերքելով ապատեղեկատվությունը:

Հայերեն English

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները