Անդրեյ Մալախովը Երեւանում այցելել է փոքրիկ Սերյոժային, եղել է Գյումրիում

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Ռուս հայտնի հաղորդավար Անդրեյ Մալախովը Երեւանում է եղել և այցելել է «Սուրբ Աստվածամայր» բժշկական կենտրոն՝Գյումրիում սպանված ընտանիքի փոքրիկին՝ վեց ամսական Սերյոժա Ավետիսյանին, որի առողջության համար պայքարում են հայ և ռուս բժիշկները:«Արմենպրես»-ի այս տեղեկությունը հաստատեցին ՀՀ առողջապահության նախարարությունում:

«Արմենպրես»-ի տեղեկություններով՝ Մալախովը եղել է նաեւ Գյումրիում: ՆաՀայաստանում է նաև Գյումրիի ողբերգության վերաբերյալ հաղորդում պատրաստելու նպատակով և իր հաղորդմանը մասնակցելու մի քանի հրավերներ է արել հայաստանյան տարբեր հաստատությունների ներկայացուցիչներին: Մանրամասները՝ հաջորդիվ:

Ավելի վաղ Գյումրիում բնակվող մանկավարժ Արմինե Շիրոյանը նամակ էր գրել Անդրեյ Մալախովին, որում դժգոհել էր Կրասնոդարում բնակվող հայերի վեճի մասին պատմող նրա հաղորդումից այն դեպքում, երբ մեկ օր առաջ Վալերի Պերմայկովը սպանել էր Ավետիսյանների ընտանիքի վեց անդամներին: Մալախովը Թվիթերի միջոցով նշել էր, որ պատասխանել է նամակին:

Ավետիսյանների ընտանիքի 6 անդամների սպանությունը տեղի է ունեցել 2015 թվականիհունվարի 12-ին՝ վաղ առավոտյան, ժամը 06:00-ի սահմաններում, նրանց մահը վրա է հասելհրազենային վնասվածքներից։ Ավետիսյանների ընտանիքից ողջ է մնացել 6 ամսական փոքրիկը՝Սերյոժա Արմենի Ավետիսյանը, ով կտրող-ծակող գործիքից ստացած վնասվածքներովտեղափոխվել է բժշկական կենտրոն: Նշանակվել են դատաբժշկական, դատատոքսիկոքիմիական,դատաձգաբանական փորձաքննություններ: Կասկածյալին ռուս սահմանապահները հայտնաբերելեն հայ-թուրքական սահմանը հատելու փորձ կատարելիս եւ հանձնել 102-րդ ռուսական բազայիհրամանատարությանը: Պերմյակովը խոստովանել է մեղքը: Իսկ փոքրիկ Ավետիսյանի առողջական վիճակը շարունակում է մնալ կայուն ծանր։ Հունվարի 18-ին ՀՀ առողջապահության նախարար Արմեն Մուրադյանի ղեկավարությամբ անցկացվել է երկրորդ կոնսիլիումը` Ռուսաստանի Դաշնությունից ժամանած ռուս և տեղի առաջատար մասնագետների մասնակցությամբ։