398.64
Պայմանավորվածություն կա նկարահանելու ոճրագործության հեղինակին
1 րոպեի ընթերցում
ԳՅՈՒՄՐԻ, 15 ՀՈՒՆՎԱՐԻ, ԱՐՄԵՆՊՐԵՍ: Շիրակի մարզի դատախազության շենքի առջևից հանարահավաքի մասնակիցներն ուղևորվեցին Գյումրիում գտնվող Ռուսաստանի հյուպատոսարանի շենքի մոտ: Ինչպես փոխանցում է «Արմենպրես»-ը` հյուպատոսարանի շենքի առջև հավաքվածների և ոստիկանության ուժերի միջև լարվածություն առաջացավ, քանի որ ցուցարաները ցանկանում էին մոտենալ շենքին: Ոստիկանների ուղղությամբ ցուցարարներից մի քանի քարեր սկսեցին նետել և իրավիճակը սրվեց:
Հանարահավաքի մասնակիցներն ավելի վաղ պահանջել էին, որպեսզի Ավետիսյանների ընտանիքին սպանդի ենթարկած ոճրագործին նկարահանեն և իրենք հավաստիանան, որ նա գտնվում է Գյումրիում: «Ժառանգություն» խմբակցության պատգամավոր Զարուհի Փոստանջյանը և «Բարգավաճ Հայաստան» խմբակցության պատգամավոր Մարտուն Գրիգորյանը կոչ արեցին հանդարտվել հավաքվածներին և վստահեցրին, որ ՀՀ գլխավոր դատախազ Գևորգ Կոստանյանը պայմանավորվածություն է ձեռք բերել ու իրենք այժմ ուղևորվելու են ռազմաբազա և հավաստիանալու, որ ոճրագործը գտնվում է Գյումրիում:
Ցուցարարների և Ոստիկանության աշխատակիցների տուժելու մասին տեղեկությունները ճշտվում են:
Հանրահավաքի մասնակիցներն այժմ շարժվում են Շիրակի մարզի դատախազության շենք:
Բաժանորդագրվեք մեր ալիքին Telegram-ում