Հրթիռակոծվել է Հալեպի հայ կոթողիկե համայնքի Սբ Ռիտա եկեղեցին

ՀԱԼԵՊ, 9 ՀՈՒՆՎԱՐԻ, ԱՐՄԵՆՊՐԵՍ: Զինյալ ահաբեկչական խմբավորումները հունվարի 9-ի հետմիջօրեին` ժամը 15:30-ին, հրթիռակոծել են Հալեպի հայ կաթողիկե համայնքի առաջնորդարանին կից Սբ Ռիտա եկեղեցին: Ինչպես հաղորդում է «Արմենպրես»-ը` վկայակոչելով Հալեպի «Գանձասար» շաբաթաթերթը, հրթիռակոծության հետեւանքով եկեղեցու կառույցը մասամբ քանդվել է:

2014թ. դեկտեմբերի 30-ին զինված ահաբեկչական խմբավորումները հրթիռակոծության էին ենթարկել Հալեպի զանազան շրջաններ, այդ թվում` հայահոծ թաղամասեր` Սուլեյմանիեն եւ Նոր գյուղը: Սուլեյմանիեում ընկած հրթիռի պայթյունի հետեւանքով վիրավորվել էին մի քանի քաղաքացիներ, որոնց թվում նաեւ հայորդիներ: Լուրջ վնասվածքներ են կրել շրջանի աշխատավայրեր եւ բնակարաններ: